Chat on WhatsApp
Published on Nov 27, 2024 5:33 PM IST
ఐకాన్ స్టార్ అల్లు అర్జున్ లేటెస్ట్ సెన్సేషన్ ‘పుష్ప-2’ కోసం దేశవ్యాప్తంగా సినీ లవర్స్ ఎంతో ఆసక్తిగా ఎదురుచూస్తున్నారు. ఈ సినిమాను దర్శకుడు సుకుమార్ ప్రెస్టీజియస్‌గా తెరకెక్కిస్తుండటంతో ఈ సినిమా ఇండియన్ బాక్సాఫీస్ దగ్గర ఎలాంటి సెన్సేషన్ క్రియేట్ చేస్తుందా అని అందరూ ఆసక్తిగా చూస్తున్నారు. పాన్ ఇండియా మూవీగా రానున్న ‘పుష్ప-2’ ఇప్పటికే దేశవ్వాప్తంగా తన మేనియాను క్రియేట్ చేసింది.
ఇక ఈ చిత్ర ప్రమోషన్స్‌ను కూడా చిత్ర యూనిట్ వేరే లెవెల్‌లో నిర్వహిస్తోంది. ఈ చిత్ర ట్రైలర్ లాంచ్‌ను పాట్నాలో నిర్వహించగా.. రీసెంట్‌గా ‘కిస్సిక్’ సాంగ్ లాంచ్‌ను చెన్నైలో గ్రాండ్‌గా నిర్వహించారు. ఇక ఇప్పుడు ఈ చిత్ర నెక్స్ట్ ప్రమోషనల్ ఈవెంట్ కేరళలో జరగనుంది. దీంతో ‘పుష్ప-2’ యూనిట్ కేరళ వెళ్తోంది. ఈ క్రమంలో అల్లు అర్జున్‌కు గ్రాండ్ వెల్కమ్ చెప్పేందుకు అక్కడి అభిమానులు పెద్ద హోర్డింగ్స్‌తో సందడి చేస్తున్నారు.
మల్లు అర్జున్‌కు కేరళ రాష్ట్రం స్వాగతం పలుకుతోంది.. అంటూ వారు పెట్టిన బ్యానర్స్ నెట్టింట వైరల్‌గా మారుతున్నాయి. ఇక ఈ సినిమాకు కేరళలోనూ భారీ క్రేజ్ నెలకొనడంతో అక్కడ జరిగే ఈవెంట్ ఎలా ఉండబోతుందా అని అందరూ ఆసక్తిగా చూస్తున్నారు. ‘పుష్ప-2’ చిత్రాన్ని డిసెంబర్ 5న గ్రాండ్ రిలీజ్ చేసేందుకు చిత్ర యూనిట్ రెడీ అయ్యింది.