టాలీవుడ్ దర్శకుడు శేఖర్ కమ్ముల డైరెక్ట్ చేస్తున్న లేటెస్ట్ మూవీ ‘కుబేర’ ప్రేక్షకుల్లో మంచి బజ్‌ని క్రియేట్ చేసుకుంది. ఈ సినిమాలో అక్కినేని నాగార్జున, ధనుష్ హీరోలుగా నటిస్తుండగా.. నేషనల్ క్రష్ రష్మిక మందన్న హీరోయిన్‌గా నటిస్తోంది. దీంతో ఈ సినిమాపై భారీ హైప్ క్రియేట్ అయ్యింది. ఇక ఇప్పటికే ఈ సినిమా నుండి రిలీజ్ అయిన పోస్టర్స్ ప్రేక్షకులను ఆకట్టుకున్నాయి. అయితే, తాజాగా ఈ చిత్రానికి సంబంధించి ఓ సాలిడ్ అప్డేట్‌ని ఇచ్చారు మేకర్స్.
‘కుబేర’ చిత్ర టీజర్‌ని నవంబర్ 15న రిలీజ్ చేయబోతున్నట్లు చిత్ర యూనిట్ తాజాగా ప్రకటించింది. ఈ మేరకు ఓ సరికొత్త పోస్టర్‌ను కూడా రిలీజ్ చేశారు. ఈ పోస్టర్‌లో నాగార్జున, ధనుష్‌లతో పాటు రష్మిక మందన్న కూడా కనిపిస్తుంది. ఈ పోస్టర్ ఆకట్టుకునేలా ఉండటంతో ఈ టీజర్ ఇంకెలా ఉండబోతుందా అని అందరూ ఆసక్తిగా చూస్తున్నారు. ఇప్పటికే ఈ సినిమా షూటింగ్ చివరిదశకు చేరుకుందని చిత్ర యూనిట్ తెలిపింది.
ఇక ఈ సినిమా టీజర్ ఎప్పుడెప్పుడు వస్తుందా అని ప్రేక్షకులు ఆసక్తిగా చూస్తున్నారు. ‘కుబేర’ మూవీతో శేఖర్ కమ్ముల ఎలాంటి కథను పట్టుకొస్తున్నాడా.. ఈ సినిమా బాక్సాఫీస్ దగ్గర ఎలాంటి విజయాన్ని అందుకుంటుందా అని అందరూ ఆసక్తిగా చూస్తున్నారు. దేవిశ్రీ ప్రసాద్ సంగీతం అందిస్తున్న ఈ సినిమాను పాన్ ఇండియా మూవీగా రిలీజ్ చేసేందుకు చిత్ర యూనిట్ రెడీ అవుతోంది.
The post టీజర్ డేట్ ఫిక్స్ చేసుకున్న ‘కుబేర’.. ఎప్పుడంటే? first appeared on Latest Telugu Movie News, Reviews, OTT, OTT Reviews, Ratings.