టాలీవుడ్‌లో పునరాగమనం చేసిన అలనాటి అందాల తార లైలా ప్రస్తుతం బిజీ షెడ్యూల్‌లో ఉంది. 2022లో కార్తీ నటించిన “సర్దార్” చిత్రంతో మళ్లీ తెరపై కనిపించిన ఈ బ్యూటీ, “ది గోట్” సినిమాలో నటించి ప్రేక్షకులను అలరించింది. ఇటీవల విడుదలైన “శబ్ధం” చిత్రంలో కీలక పాత్ర పోషించి తన నటనతో మెప్పించింది. లైలా రెండో ఇన్నింగ్స్‌లో కూడా విజయవంతంగా దూసుకుపోతోంది.
తాజా ఇంటర్వ్యూలో, లైలా తన వ్యక్తిగత జీవితం & కెరీర్ గురించి ఆసక్తికరమైన విషయాలు పంచుకుంది. ముఖ్యంగా, ఆమెకు ఉన్న ఒక అరుదైన ఆరోగ్య సమస్య అందరినీ ఆశ్చర్యానికి గురిచేసింది. లైలా చెప్పినదాని ప్రకారం, ఆమె నవ్వు ఆపలేరు. నవ్వు అణచిపెడితే ఆటోమేటిక్‌గా కన్నీళ్లు వస్తాయట. అందుకే ఎప్పుడూ నవ్వుతూనే ఉంటుందట.
ఈ విషయం విక్రమ్ “శివపుత్రుడు” షూటింగ్ సమయంలో గమనించి, ఒక ఆసక్తికరమైన బెట్ కట్టాడు. “ఒక నిమిషం నవ్వకుండా ఉండగలవా?” అని లైలా మీద ఛాలెంజ్ విసిరాడు. కానీ, 30 సెకన్లలోనే ఆమె కన్నీళ్లు పెట్టుకుంది, అంతే! షూటింగ్ మేకప్ మొత్తం కరిగిపోయింది. ఈ సంఘటన ఇప్పుడు టాలీవుడ్ అభిమానులను షాక్‌కు గురిచేస్తోంది.
వ్యక్తిగత జీవితంలో, లైలా 2006లో విదేశీ వ్యాపారవేత్త మెహ్దీ ను వివాహం చేసుకుంది. పెళ్లికి ముందు ఎనిమిదేళ్ల ప్రేమలో ఉన్న ఈ జంటకు ఇద్దరు పిల్లలు ఉన్నారు. లైలా ప్రస్తుతం సినిమాల్లో నటించడం & కుటుంబాన్ని సమతుల్యం చేసుకోవడం రెండింటినీ విజయవంతంగా నిర్వహిస్తోంది.