స్టార్ హీరో విక్టరీ వెంకటేష్ నటిస్తున్న లేటెస్ట్ మూవీ ‘సంక్రాంతికి వస్తున్నాం’ ఇప్పటికే ప్రేక్షకుల్లో మంచి బజ్ క్రియేట్ చేసింది. ఈ సినిమాను దర్శకుడు అనిల్ రావిపూడి డైరెక్ట్ చేస్తు్న్నాడు. దీంతో ఈ సినిమా కంటెంట్ ఎలా ఉండబోతుందా అని అందరూ ఆసక్తిగా చూస్తున్నారు. ఇక ఈ సినిమాకు సంబంధించి తాజాగా ఓ వార్త సినీ సర్కిల్స్‌లో చక్కర్లు కొడుతోంది.
ఈ సినిమాలోని కొన్ని ఎమోషనల్ సీన్స్‌ను రామోజీ ఫిలిం సిటీలో షూట్ చేస్తున్నారట. ఈ షూటింగ్‌లో వెంకటేష్‌తో పాటు పలువురు కీలక ఆర్టిస్టులు పాల్గొంటున్నారట. ఈ ఎమోషనల్ సీన్స్ సినిమాకే హైలైట్‌గా ఉండబోతున్నాయని.. వెంకీ తన ఎమోషనల్ పర్ఫార్మెన్స్‌తో ప్రేక్షకులను ఇంప్రెస్ చేయడం ఖాయమని తెలుస్తోంది. ప్రస్తుతం ఈ వార్త సోషల్ మీడియాలో చక్కర్లు కొడుతోంది.
ఈ సినిమాలో అందాల భామలు ఐశ్వర్య రాజేష్, మీనాక్షి చౌదరి హీరోయిన్లుగా నటిస్తున్నారు. భీమ్స్ సిసిరోలియో సంగీతం అందిస్తున్న ఈ సినిమాను శ్రీ వెంకటేశ్వర క్రియేషన్స్ బ్యానర్‌పై శిరీష్ ప్రొడ్యూస్ చేస్తున్నారు. ఇక ఈ సినిమాను సంక్రాంతి కానుకగా జనవరి 14న గ్రాండ్ రిలీజ్ చేయనున్నారు.
The post ‘సంక్రాంతికి వస్తున్నాం’లో ఎమోషన్స్‌ను పండిస్తున్న వెంకీ..? first appeared on Latest Telugu Movie News, Reviews, OTT, OTT Reviews, Ratings.