Chat on WhatsApp
Published on Nov 19, 2024 3:10 PM IST
మన టాలీవుడ్ లెజెండరీ హీరో మెగాస్టార్ చిరంజీవి హీరోగా త్రిష హీరోయిన్ గా యువ దర్శకుడు వశిష్ఠ తెరకెక్కిస్తున్న భారీ విజువల్ ట్రీట్ చిత్రం “విశ్వంభర” కోసం తెలిసిందే. మరి చాలా కాలం తర్వాత చిరు చేస్తున్న ఫాంటసీ సినిమా ఇది కాగా హైప్ మెగా ఫ్యాన్స్ లో నెక్స్ట్ లెవెల్లో ఉంది. అయితే ఈ సినిమా టీజర్ కూడా రీసెంట్ గానే మొదలైంది. ఈ తర్వాత రిలీజ్ కూడా ఎలాగో వాయిదా పడేసరికి మేకర్స్ కి చిన్న బ్రేక్ దొరికింది.
అయితే ఈ గ్యాప్ తర్వాత ఓ షెడ్యూల్ ని జపాన్ లో ప్లాన్ చేసినట్టుగా టాక్ వచ్చిన సంగతి తెలిసిందే. మరి దీనిపై మరో అప్డేట్ ఇపుడు వినిపిస్తుంది. దీని ప్రకారం ఈ షూట్ లోనే హీరోయిన్ త్రిషతో మంచి డ్యూయెట్ ని ప్లాన్ చేస్తున్నట్టుగా ఇపుడు తెలుస్తుంది. మరి స్టాలిన్ తర్వాత మళ్ళీ త్రిష చిరు జోడి జత కట్టబోతుంది. మరి మళ్ళీ వీరి నడుమ కెమిస్ట్రీ ఎలా ఉంటుందో చూడాలి. ఇక ఈ చిత్రానికి ఆస్కార్ విన్నర్ కీరవాణి సంగీతం అందించగా యూవీ క్రియేషన్స్ వారు నిర్మాణం వహిస్తున్న సంగతి తెలిసిందే.