Published on Nov 19, 2024 7:03 AM IST
మన టాలీవుడ్ సూపర్ స్టార్ మహేష్ బాబు హీరోగా ఇప్పుడు పాన్ ఇండియా టాప్ దర్శకుడు ఎస్ ఎస్ రాజమౌళితో ఇండియాస్ బిగ్గెస్ట్ ప్రాజెక్ట్ చేయనున్న సంగతి తెలిసిందే. మహేష్ కెరీర్ లో 29వ సినిమాగా చేస్తున్న ఈ సినిమాపై వరల్డ్ వైడ్ హైప్ ఉంది. ఇక ఈ సినిమా కోసం అభిమానులు ఆసక్తిగా ఎదురు చూస్తుండగా ఈ ప్రాజెక్ట్ కోసం మహేష్ బాబు ఎలా మారుతూ వచ్చాడో ప్రత్యేకంగా చెప్పాల్సిన పని లేదు.
బాడీ సహా తన జుట్టు గడ్డంని కూడా మహేష్ బాబు మునుపెన్నడూ లేని విధంగా మార్చేశాడు. అయితే ఇన్ని రోజులూ ఫుల్ గడ్డం లోనే కనిపించిన మహేష్ బాబు ఇపుడు ట్విస్ట్ ఇచ్చాడు. గడ్డం మొత్తం తీసేసి ట్రిమ్ లుక్ లో కనిపించడం ఒకింత ట్విస్ట్ గా ఇపుడు మారింది. దీనితో సడెన్ గా మార్చేయడం ఏంటి అని టాక్ అభిమానుల్లో కూడా మొదలైంది. ఓ ప్రీ వెడ్డింగ్ వేడుకలకు మహేష్ హాజరైన పిక్స్ ఇపుడు వైరల్ గా మారడంతో ఫ్యాన్స్ లో ఈ టాక్ మొదలైంది. మరి సినిమా ఈ లుక్ తోనే స్టార్ట్ చేస్తారు ఏమో చూడాల్సిందే.