టాలీవుడ్ నటుడు మంచు మనోజ్, భూమా మౌనికల కుమార్తె దేవసేన శోభా MM తొలి పుట్టినరోజు సందర్భంగా ప్రత్యేక వేడుకలు జరిగాయి. దేవసేన జన్మించిన నేటికి ఏడాది కావడంతో, మనోజ్ సోషల్ మీడియాలో భావోద్వేగంతో కూడిన పోస్ట్ షేర్ చేశారు. ఫ్యామిలీ ఫోటోలు పోస్ట్ చేస్తూ, “నువ్వు మా జీవితాల్లో వెలుతురు, ధైర్యం, ఆనందం తెచ్చావు. నిన్ను కాపాడుకోవడం మా బాధ్యత” అంటూ రాసుకొచ్చారు.
ఈ ప్రత్యేక సందర్భాన్ని మంచు లక్ష్మి కూడా తనదైన శైలిలో సెలబ్రేట్ చేశారు. దేవసేన పుట్టే ముందు తన ఫ్లైట్ టికెట్ బుక్ చేసుకున్నా కానీ, ఆ రోజే దేవసేన పుట్టిందని లక్ష్మి మంచు వెల్లడించారు. “నేనే నిన్ను మొదట ఎత్తుకున్నా. నువ్వు నాతో బాగా కనెక్ట్ అయ్యావు. నిన్ను త్వరలో ముంబైకి తీసుకెళ్తా” అంటూ సరదాగా కామెంట్ చేశారు.
మనోజ్ పోస్ట్ చేసిన ఫోటోలు, లక్ష్మి మంచు షేర్ చేసిన వీడియో సోషల్ మీడియాలో వైరల్ అవుతున్నాయి. ఫ్యాన్స్, సెలబ్రిటీలందరూ దేవసేనకు బర్త్‌డే విషెస్ తెలియజేస్తున్నారు. మంచు ఫ్యామిలీలో కొత్త ఆనందాన్ని తీసుకొచ్చిన దేవసేన, తమ కుటుంబాన్ని మరింత బలంగా కుదుర్చిందని మనోజ్ తెలిపారు.
ఈ స్పెషల్ బర్త్‌డే వేడుకల ఫోటోలు, వీడియోలు అభిమానుల్లో ఎమోషనల్ కనెక్షన్ పెంచాయి. దేవసేన MM పుట్టినరోజును కుటుంబ సభ్యులంతా ఆనందంగా జరుపుకున్నారు. అభిమానులు దేవసేన భవిష్యత్తు उज్వలంగా ఉండాలని కోరుకుంటున్నారు.