Chat on WhatsApp
Published on Nov 15, 2024 10:30 AM IST
ఆర్.కె.ఇంటర్నేషనల్ బ్యానర్ పై కె.ఎస్. రామకృష్ణ నిర్మాతగా శ్రద్ధా శ్రీనాథ్, కిషోర్ ప్రధాన పాత్రల్లో అడ్వెంచర్ సైన్స్ ఫిక్సన్ థ్రిల్లర్ గా రూపొందిన “కలియుగం 2064″ అన్ని హంగులు పూర్తి చేసుకుని ప్రపంచవ్యాప్తంగా త్వరలో విడుదలకు సిద్ధం అవుతుంది. అసలే కలియుగం.. ఆపై 2064.. ఆ ఫ్యూచర్లో మనుష్యులు ఎలా ఉండబోతున్నారు ఎలా బ్రతుకబోతున్నారు ఎలా చావబోతున్నారు.. అనే అంశాలతో ఈ సినిమా కథ, కథాంశం ఉంటుందని మేకర్స్ వెల్లడించారు.
తెలుగు, తమిళ్ బైలింగవ్వల్ మూవీగా తెరకెక్కుతున్న ఈ చిత్ర ఫస్ట్ లుక్‌ను లెజండరీ డైరెక్టర్ మణిరత్నం విడుదల చేశారు. “వినూత్న కథాంశంతో రాబోతున్న ”కలియుగం 2064″ మంచి విజయం సాధించాలని కోరుకుంటున్నట్లు మణిరత్నం తెలిపారు. మణిరత్నం తొలిసారి ఓ తెలుగు సినిమా పోస్టర్ విడుదల చెయ్యడం విశేషం. సినిమా కాన్సెప్ట్, పోస్టర్ బాగుందని చిత్ర యూనిట్ సభ్యులతో చాలా సేపు ముచ్చటించారు.
తెలుగులో హీరో నానితో ‘జెర్సీ’ మూవీలో యాక్ట్ చేసిన శ్రద్ధా శ్రీనాథ్ విభిన్నమైన పాత్రలో నటించింది. అలాగే తెలుగు, తమిళ్, మలయాళం, కన్నడ భాషల్లో అనేక చిత్రాల్లో అద్భుతమైన ప్రాత్రాల్లో యాక్ట్ చేసిన కిషోర్ ఈ మూవీలో మరో కీలకమైన పాత్రలో నటిస్తున్నాడు. ఈ చిత్ర విజువల్ ఎఫెక్ట్స్ మరియు కంప్యూటర్ గ్రాఫిక్ నార్వేలో చేశామని.. త్వరలో ఈ చిత్రాన్ని ప్రేక్షకుల ముందుకు తీసుకురాబోతున్నామని నిర్మాత కె.ఎస్.రామకృష్ణ తెలిపారు.