టాలీవుడ్ మోస్ట్ అవైటెడ్ సీక్వెల్ మూవీ ‘పుష్ప-2’ వరల్డ్‌వైడ్‌గా థియేటర్లలో సందడి చేస్తోంది. ఈ సినిమాను దర్శకుడు సుకుమార్ తనదైన మార్క్‌తో తెరకెక్కించగా.. ఐకాన్ స్టార్ అల్లు అర్జున్ పవర్‌ఫుల్ యాక్టింగ్‌తో బాక్సాఫీస్ రికార్డులకు ఎసరు పెట్టాడు. ఇక ఈ సినిమాకు అన్ని చోట్ల పాజిటివ్ రెస్పాన్స్ వస్తుండటంతో ఈ సినిమా ఎలాంటి వండర్స్ క్రియేట్ చేయబోతుందా అనే ఆసక్తి అందరిలో నెలకొంది.
‘పుష్ప-2’ చిత్రాన్ని బుధవారం రాత్రి ప్రీమియర్స్ రూపంలో ప్రదర్శించారు. ఈ ప్రీమియర్స్ కోసం అభిమానులు భారీ సంఖ్యలో థియేటర్లకు క్యూ కట్టారు. అయితే, ఆర్టీసీ క్రాస్ రోడ్స్‌లోని సంధ్య థియేటర్‌లో అనుకోని విధంగా తొక్కిసలాట చోటు చేసుకుంది. ఈ ప్రమాదంలో ఓ మహిళ మృతి చెందగా.. ఓ చిన్నారి తీవ్ర గాయాలపాలైంది. ఈ విషయం గురించి తెలుసుకున్న చిత్ర యూనిట్, తాజాగా దీనిపై స్పందించింది.
ఎవరూ ఊహించని ఈ ప్రమాదంలో మృతి చెందిన మహిళకు తమ ప్రగాఢ సానుభూతి తెలుపుతున్నామని.. గాయపడ్డ చిన్నారికి అండగా ఉంటామని ‘పుష్ప-2’ నిర్మాతలు మైత్రీ మూవీ మేకర్స్ తాజాగా వెల్లడించింది. ఇలాంటి ప్రమాదాలకు తావివ్వకుండా తగు జాగ్రత్తలు తీసుకుంటామని వారు ఈ సందర్భంగా పేర్కొన్నారు.
We are extremely heartbroken by the tragic incident during last night’s screening. Our thoughts and prayers are with the family and the young child undergoing medical treatment.
We are committed to standing by them and extending all possible support during this difficult time.…
— Mythri Movie Makers (@MythriOfficial) December 5, 2024
The post ‘పుష్ప-2’ ప్రీమియర్‌లో అపశృతి.. విచారం వ్యక్తం చేసిన మేకర్స్ first appeared on Latest Telugu Movie News, Reviews, OTT, OTT Reviews, Ratings.