టాలీవుడ్ సినీ ఇండస్ట్రీలో హీరోయిన్స్ కొద్దిపాటి అవకాశాలతోనే క్రేజ్ సంపాదించుకుంటూ, వరుస సినిమాలతో దూసుకుపోతున్నారు. శ్రీలీల, కృతి శెట్టి, రష్మిక మందన్న, మీనాక్షి చౌదరి లాంటి అందగత్తెలు వరుసగా పాన్ ఇండియా చిత్రాల్లో నటిస్తూ టాలీవుడ్‌లో తమ స్థానాన్ని బలపరుచుకుంటున్నారు. అయితే, కొంతమంది హీరోయిన్స్ మాత్రం హిట్ కోసం ఎదురుచూస్తూ కెరీర్‌ను నిలబెట్టుకోవడానికి ప్రయత్నిస్తున్నారు. అలాంటి వారిలో నభా నటేష్ ఒకరు.
నభా నటేష్ సినీ ఇండస్ట్రీలోకి “నన్ను దోచుకుందువటే” అనే సినిమాతో అడుగుపెట్టింది. ఆ తర్వాత పూరీ జగన్నాథ్ దర్శకత్వంలో వచ్చిన “ఇస్మార్ట్ శంకర్” తో బిగ్ బ్రేక్ దక్కించుకుంది. ఈ సినిమాలో ఆమె గ్లామర్, అద్భుతమైన నటనతో ప్రేక్షకులను మెస్మరైజ్ చేసింది. కానీ ఆ తర్వాత ఆమె చేసిన సినిమాలు పెద్దగా విజయం సాధించలేదు. రవితేజ హీరోగా నటించిన “డిస్కో రాజా” కూడా ఆశించిన స్థాయిలో విజయం సాధించలేదు.
అయితే, నభా నటేష్ కొంతకాలం క్రితం యాక్సిడెంట్ కారణంగా సినిమాలకు బ్రేక్ ఇచ్చింది. ఇప్పుడు పూర్తిగా కోలుకుని మళ్లీ వెండితెరకు రీ-ఎంట్రీ ఇస్తోంది. ఇటీవల ఆమె నటించిన “డార్లింగ్” సినిమా ఆశించిన స్థాయిలో విజయం సాధించలేదు. ప్రస్తుతం ఆమె నిఖిల్ హీరోగా నటిస్తున్న “స్వయంభు” చిత్రంలో హీరోయిన్‌గా నటిస్తోంది. ఈ సినిమా విజయంపై నభా నటేష్ చాలా ఆశలు పెట్టుకుంది.
ఈ సినిమా ఆమె కెరీర్‌కు కీలకం కానుంది. “స్వయంభు” భారీ అంచనాల మధ్య తెరకెక్కుతున్న ఈ సినిమా నభా నటేష్‌కు మళ్లీ టాలీవుడ్‌లో మంచి గుర్తింపు తెస్తుందో లేదో చూడాలి.