Chat on WhatsApp
Published on Nov 23, 2024 11:01 PM IST
టాలీవుడ్ లెజెండరీ యాక్టర్ డా.అక్కినేని నాగేశ్వర రావు శతజయంతి ఉత్సవాలను అక్కినేని ఫ్యామిలీ ఘనంగా జరుపుకుంటోంది. తెలుగు సినీ పరిశ్రమకు నాగేశ్వర రావు చేసిన సేవలను గుర్తుకు చేస్తూ ఇండస్ట్రీలో ఆయన పేరును శాశ్వతంగా నిలిచిపోయేలా చేస్తున్నారు. ఇక ఈ సందర్భంగా ఏఎన్ఆర్ బయోపిక్ కోసం ఆయన అభిమానులు ఆసక్తిగా చూస్తున్నారు.
అయితే, తాజాగా అక్కినేని నాగార్జున చేసిన కామెంట్స్ వైరల్ అవుతున్నాయి. ఓ ఇంటర్వ్యూలో ఏఎన్ఆర్ బయోపిక్‌పై నాగ్ మాట్లాడాడు. తమ నాన్నగారి జీవితాన్ని బయోపిక్ కంటే కూడా డాక్యుమెంటరీగా చేస్తే బాగుంటుందని.. నిజానికి ఏఎన్ఆర్ బయోపిక్ మూవీ బోరింగ్‌గా ఉంటుందని ఆయన అన్నారు. అయితే, ఓ బయోపిక్ సినిమా తీయాలంటే వారి జీవితంలో గెలుపు, ఓటమి ఉండాలని.. కానీ ఏఎన్ఆర్ జీవితంలో కేవలం గెలుపు మాత్రమే ఉందని.. అందుకే బయోపిక్ కంటే కూడా డాక్యుమెంటరీ అయితే ప్రేక్షకులకు మెచ్చుతారని నాగ్ స్పష్టం చేశాడు.
దీంతో నాగ్ చేసిన కామెంట్స్ నెట్టింట వైరల్ అవుతున్నాయి. అయితే, అక్కినేని అభిమానులు మాత్రం ఏఎన్ఆర్ బయోపిక్ చిత్రంగానే తీయాలని సోషల్ మీడియాలో కోరుతున్నారు.