అక్కినేని అభిమానులు ఎప్పుడెప్పుడా అని ఎదురుచూస్తున్న ‘తండేల్’ మూవీ నుంచి ‘నమో నమ: శివాయ’ అనే పాటను మేకర్స్ తాజాగా రిలీజ్ చేశారు. అక్కినేని నాగచైతన్య, సాయి పల్లవి జంటగా నటిస్తున్న ఈ రొమాంటిక్ యాక్షన్ థ్రిల్లర్ మూవీని దర్శకుడు చందు మొండేటి తెరకెక్కిస్తున్నాడు. ఇప్పటికే ఈ సినిమాపై అంచనాలు భారీగా క్రియేట్ అయ్యాయి. ఇక ఈ సినిమా నుంచి రిలీజ్ అయిన తొలి సాంగ్ ‘బుజ్జి తల్లి’కి కూడా అదిరిపోయే రెస్పాన్స్ దక్కింది.
దీంతో ఇప్పుడు ఈ రెండో పాటపై కూడా అంచనాలు భారీగా నెలకొన్నాయి. ప్రేక్షకుల అభిమానులను అందుకునేలా ఈ పాటను కూడా అదిరిపోయే బీట్స్‌తో కంపోజ్ చేశాడు మ్యూజిక్ డైరెక్టర్ దేవిశ్రీ ప్రసాద్. శివుడిపై ఉన్న ఈ పాటలో అక్కినేని నాగచైతన్య, సాయి పల్లవి కళ్లు చెదిరేలా డ్యాన్స్ స్టెప్పులతో అదరగొట్టారు. ఇక ఈ పాటకు జొన్నవిత్తుల లిరిక్స్ సమకూర్చగా అనురాగ్ కుల్‌కర్ణి, హరిప్రియ అద్భుతంగా ఆలపించారు.
తండేల్ మూవీలో ఈ పాట శివరాత్రి వేడుక సందర్భంగా రాబోతున్నట్లు తెలుస్తోంది. ఇక ఈ పాట కూడా ఇన్‌స్టంట్ చార్ట్‌బస్టర్ కావడం ఖాయమని అభిమానులు అంటున్నారు. ఈ సినిమాను GA2 పిక్చర్స్ బ్యానర్‌పై బన్నీ వాస్ ప్రొడ్యూస్ చేస్తుండగా అల్లు అరవింద్ సమర్పిస్తున్నారు. ‘తండేల్’ చిత్రాన్ని ఫిబ్రవరి 7న గ్రాండ్ రిలీజ్ చేసేందుకు మేకర్స్ రెడీ అవుతున్నారు.
వీడియో కోసం ఇక్కడ క్లిక్ చేయండి
The post ‘తండేల్’ నుంచి ‘నమోనమ: శివాయ’ సాంగ్ రిలీజ్ first appeared on Latest Telugu Movie News, Reviews, OTT, OTT Reviews, Ratings.