Published on Nov 25, 2024 12:12 PM IST


సీనియర్ ఎన్టీఆర్ సినీ వజ్రోత్సవం ఏడాదిలోనే… కథానాయకుడిగా బాలయ్య బాబు కూడా యాభయ్యేళ్లు పూర్తి చేసుకుని స్వర్ణోత్సవం చేసుకోవడం విశేషం. ఇదే విషయం పై బాలయ్య స్పందిస్తూ ఓ పోస్ట్‌ని పంచుకున్నారు. ఆ పోస్ట్ లో ఏముందో బాలయ్య మాటల్లోనే.. ‘నేను అనునిత్యం స్మరించే పేరు.. నా గురువు, దైవం, స్ఫూర్తి మా నాన్న ఎన్టీఆర్‌. ఆయన ‘మనదేశం’ చిత్రంతో దర్శనమిచ్చి ఈనెల 24తో 75 ఏళ్లు పూర్తయ్యాయి. ఈ సంవత్సరమే నేను కథానాయకుడిగా దిగ్విజయంగా యాభయ్యేళ్లు పూర్తి చేసుకున్నా, ఇది నా పూర్వజన్మ సుకృతం’ అని బాలయ్య చెప్పుకొచ్చారు.

‘నాన్న నుంచి నన్ను, నా కుటుంబ సభ్యులను ఆదరిస్తున్న నా అభిమానులకి, ప్రేక్షక దేవుళ్లకు నా సినీ ప్రయాణంలో నాకు అడుగడుగునా సహకరించిన చిత్ర పరిశ్రమ వర్గాలకి కృతజ్ఞతలు’’ అంటూ బాలయ్య తన పోస్ట్ లో పేర్కొన్నారు. ఇక సినిమాల విషయానికి వస్తే.. బాలయ్య – దర్శకుడు బాబీ కాంబినేషన్‌ లో “డాకు మహారాజ్” సినిమా రాబోతున్న సంగతి తెలిసిందే. ‘డాకు మహారాజ్’ సంక్రాంతి కానుకగా జనవరి 12న గ్రాండ్ రిలీజ్‌కు రెడీ అవుతోంది.

By admin

Leave a Reply

Your email address will not be published. Required fields are marked *