Published on Dec 26, 2024 1:59 PM IST
యంగ్ హీరో నవీన్ పొలిశెట్టి నటిస్తున్న లేటెస్ట్ మూవీ ‘అనగనగా ఒక రాజు’ ఇప్పటికే ప్రేక్షకుల్లో మంచి బజ్ క్రియేట్ చేసింది. ఈ సినిమాను గతంలోనే అనౌన్స్ చేసినా, షూటింగ్ ఆలస్యం అవుతుండటంతో ఈ మూవీ ఉందా లేదా అనే సందేహం ప్రేక్షకుల్లో నెలకొంది. అయితే, ఈ సందేహాలకు చెక్ పెడుతూ ఈ మూవీ కన్ఫమ్‌గా ఉందంటూ ఓ వీడియో ప్రోమోతో ఆసక్తిని క్రియేట్ చేశారు మేకర్స్.
ఇక తాజాగా నవీన్ పొలిశెట్టి పుట్టినరోజు కానుకగా ‘అనగనగా ఒక రాజు’ మూవీకి సంబంధించి ‘ప్రీ-వెడ్డింగ్ వీడియో’ను రిలీజ్ చేశారు. ఈ వీడియోలో తన పెళ్లికి సంబంధించి ప్లానింగ్ చేస్తున్న హీరో, అంబానీల పెళ్లితో తన పెళ్లిని కంపేర్ చేసుకుంటున్నట్లు కనిపిస్తాడు. ఇక తనకు కాబోయే భార్యగా హీరోయిన్ మీనాక్షి చౌదరి ఎంట్రీ ఇస్తుంది. వారిద్దరు కలిసి ఫోటోగ్రాఫర్ చెప్పినట్లుగా ఫోజులు ఇస్తూ సందడి చేశారు. నవీన్ మరోసారి తన టైమింగ్‌తో అదరగొట్టాడు.
ఈ సినిమాను మారి డైరెక్ట్ చేస్తుండగా మిక్కీ జే మేయర్ సంగీతం అందిస్తున్నాడు. సితార ఎంటర్‌టైన్‌మెంట్స్, ఫార్చున్ ఫోర్ సినిమాస్ బ్యానర్లపై నాగవంశీ, సాయి సౌజన్య ఈ చిత్రాన్ని ప్రొడ్యూస్ చేస్తున్నారు.
వీడియో కోసం ఇక్కడ క్లిక్ చేయండి