టాలెంటెడ్ డైరెక్టర్ పూరీ జగన్నాథ్ దర్శకత్వంలో మాస్ మహారాజా రవితేజ నటించిన ‘నేనింతే’ (2008) సినిమాకు ఓ ప్రత్యేక స్థానం ఉంది. సినిమా బాక్సాఫీస్‌ వద్ద పెద్దగా వర్కౌట్ కాకపోయినా, రవితేజ పవర్‌ఫుల్ డైలాగ్స్, యువతను ఆకట్టుకునే కథనం మాత్రం సినిమాకు మంచి ఫాలోయింగ్ తెచ్చాయి. ఈ మూవీలో రవితేజ సరసన నటించిన శియా గౌతమ్ అందంతోనే కాకుండా అభినయంతోనూ మెప్పించింది. సినిమా విడుదల సమయంలో ఆమె పేరు మారకుండా అసలు పేరు అదితి గౌతమ్ గానే మోడలింగ్ రంగంలో పనిచేసింది.
శియా గౌతమ్ తొలి సినిమాతోనే గుర్తింపు తెచ్చుకున్నప్పటికీ, టాలీవుడ్‌లో అవకాశాలు పెద్దగా రాలేదు. తెలుగు ఇండస్ట్రీకి దూరమైన తర్వాత బాలీవుడ్ వైపు మొగ్గు చూపింది. రణబీర్ కపూర్ నటించిన ‘సంజూ’ (Sanju) సినిమాలో నటించినప్పటికీ, ఆ సినిమా విజయం ఆమె కెరీర్‌కు పెద్దగా ఉపయోగపడలేదు. అందంతో పాటు నటన పరంగా మెప్పించిన శియా.. గ్లామరస్ ఇమేజ్‌ ఉన్నా సరైన బ్రేక్ దక్కలేదు.
ప్రస్తుతం శియా గౌతమ్ సినిమాలకు దూరంగా ఉన్నా, సోషల్ మీడియాలో యాక్టివ్‌గా ఉంటోంది. ఇన్‌స్టాగ్రామ్‌లో తన లేటెస్ట్ ఫొటోలు, వీడియోలు షేర్ చేస్తూ నెట్టింట యూత్‌ను అలరిస్తోంది. తాజాగా ఆమె పోస్ట్ చేసిన ఫొటోస్ నెట్టింట్లో వైరల్ అవుతున్నాయి. అప్పటి శియా గౌతమ్‌లో, ఇప్పటి అదితి గౌతమ్‌లో ఏమాత్రం తేడా కనిపించకపోవడం నెటిజన్స్‌ను ఆశ్చర్యానికి గురిచేస్తోంది.
అందంతో పాటు గ్లామర్ లుక్‌ను మెయింటేన్ చేస్తూ మళ్లీ కెరీర్‌కి రీ ఎంట్రీ ఇస్తుందా? అనే ఊహాగానాలు సోషల్ మీడియాలో చక్కర్లు కొడుతున్నాయి. మరి శియా గౌతమ్ ఫ్యాన్స్‌కి ఈ వార్త ఓ గుడ్‌న్యూస్‌ అవుతుందేమో చూడాలి!