ఓటీటీ అభిమానులకు ‘జమ్తారా’ వెబ్ సిరీస్ ఒక మిస్సవ్వకూడని క్రైమ్ థ్రిల్లర్. 2020లో మొదలై 2022లో రెండో సీజన్‌తో ముగిసిన ఈ సిరీస్ నెట్ఫ్లిక్స్‌ లో అందుబాటులో ఉంది. జార్ఖండ్‌లోని జమ్తారా ప్రాంతంలో చోటుచేసుకునే రియల్‌ ఇన్సిడెంట్స్ ఆధారంగా రూపొందిన ఈ కథలో ఫిషింగ్ స్కామ్స్, బ్యాంక్ మోసాలు, సామాజిక స్పృహ ప్రధానాంశాలుగా సాగుతాయి.
హర్షద్ మెహతా లేదా రైడ్ తరహా స్కామ్ కథల కన్నా ప్రజల జీవితాలతో మరింత దగ్గరగా ఉండేలా ఈ సిరీస్ తెరకెక్కింది. ముఖ్యంగా ఓటీపీ స్కామ్, ఫేక్ కాల్స్ వంటి అంశాలను ఆకట్టుకునే విధంగా చూపించారు. ఫిషింగ్ రాకెట్ నడిపే చిన్నారుల కథ, పోలీసులు–రాజకీయ నాయకుల చుట్టూ నడిచే డ్రామా ప్రేక్షకులను బాగా ఇంప్రెస్ చేస్తుంది.
స్పార్ష్ శ్రీవాస్తవ, అమిత్ సియాల్, దిబ్యేందు భట్టాచార్య నటన ప్రత్యేక ఆకర్షణగా నిలిచాయి. సౌమ్యేంద్ర పాది దర్శకత్వం వహించిన ఈ సిరీస్ ప్రస్తుతం కూడా నెట్ఫ్లిక్స్లో హాట్ టాపిక్‌గానే కొనసాగుతోంది.
వాస్తవ సంఘటనల ఆధారంగా రూపొందిన ఈ సిరీస్ మీరు ఓటీటీలో చూడాల్సిన బెస్ట్ క్రైమ్ థ్రిల్లర్‌లలో ఒకటిగా చెప్పవచ్చు.