Published on Nov 17, 2024 1:59 PM IST
బాలీవుడ్ సీనియర్ హీరో సంజయ్ దత్ హీరోగా తెరకెక్కిన మున్నాభాయ్ MBBS, లగే రహో మున్నాభాయ్ చిత్రాలు అద్భుత విజయాలు సాధించాయి. ఇప్పుడు మూడో పార్ట్‌ కోసం కసరత్తు చేస్తున్నామని, స్క్రిప్ట్‌ వర్క్ జరుగుతోందని ఇప్పటికే దిగ్గజ దర్శకుడు రాజ్‌కుమార్ హిరానీ వెల్లడించాడు. ఇప్పుడు తాజాగా ఈ సినిమా పై ఓ క్రేజీ అప్ డేట్ వినిపిస్తోంది. ఈ సినిమాలో ఓ సౌత్ హీరో కూడా ఓ కీలక పాత్రలో నటిస్తాడని.. మరి ఆ హీరో ఎవరు అనేది చూడాలి. ఇప్పుడున్న అప్ డేట్ ప్రకారం తేజ సర్జా పేరు వినిపిస్తోంది. అయితే ఈ వార్త పై అధికారిక ప్రకటన రావాల్సి ఉంది. ఇక రాజ్‌కుమార్ హిరానీకి బాలీవుడ్ లో ఫుల్ క్రేజ్ ఉంది.
ఆయనతో సినిమా చేయడానికి స్టార్ హీరోలు ఆసక్తిగా ఎదురుచూస్తున్నారు. ఇలాంటి పరిస్థితుల్లో సడెన్ గా రాజ్‌కుమార్ హిరానీ మున్నాభాయ్-3ని ఎనౌన్స్ చేయడం, పైగా ఈ సినిమాలో తెలుగు యంగ్ హీరో కూడా ఉంటాడని వార్తలు రావడం విశేషం. పైగా సంజయ్ దత్ తో తాను చేసిన గత సినిమాల కంటే మెరుగ్గా ఉండేందుకు ప్రత్యేక శ్రద్ధ తీసుకుంటున్నట్లు రాజ్‌కుమార్ హిరానీ పేర్కొన్నారు. అన్నట్తు ఈ చిత్రాలను తెలుగులో శంకర్‌దాదా MBBS, శంకర్‌దాదా జిందాబాద్ పేరుతో మెగాస్టార్ రీమేక్ చేసిన సంగతి తెలిసిందే.