Chat on WhatsApp
Published on Nov 12, 2024 10:30 AM IST
ఇరవై ఏళ్ళ క్రితం వచ్చిన ‘6 టీన్స్’ సినిమాకు సీక్వెల్‌గా కొత్త కంటెంట్‌తో రిఫ్రెషింగ్‌ ఫీల్‌తో వస్తున్న సినిమా ‘రిస్క్- ఏ గేమ్ ఆఫ్ యూత్’. ప్రముఖ మ్యూజిక్ డైరెక్టర్ ఘంటాడి కృష్ణ (జికె) స్వీయ దర్శకత్వంలో ఈ చిత్రాన్ని నిర్మిస్తున్నారు. రాజీవ్ కనకాల,అనీష్ కురువిళ్ళ ఈ చిత్రంలో ప్రత్యేక నటన శైలితో కనిపించబోతున్నారు. సందీప్ అశ్వా హీరోగా, తరుణ్ సాగర్, అర్జున్ ఠాకూర్, విశ్వేష్‌లు ప్రధాన పాత్రల్లో నటిస్తున్నారు. సన్య ఠాకూర్, జోయా ఝవేరి హీరోయిన్స్‌గా నటిస్తున్నారు. తాజాగా ఈ చిత్రం సెకండ్ సింగల్ లిరికల్ వీడియో సాంగ్‌ని ప్రముఖ నటుడు సత్యం రాజేష్ చేతుల మీదుగా విడుదల చేశారు.
ఈ సందర్భంగా సత్యం రాజేష్ మాట్లాడుతూ…”నా కెరీర్ బిగినింగ్‌లో.. ఘంటాడి కృష్ణ సాంగ్స్ అప్పుటి సిడిల్లో రిపీట్ చేస్తూ వినేవాడిని. ఆయన స్వీయ దర్శకత్వంలో నిర్మించిన రిస్క్ లో సెకండ్ సాంగ్ ‘ఓ హసీనా!’ నా చేతుల మీదుగా విడుదల చేయించినందుకు సంతోషంగా ఉంది. ఈ చిత్రంలో మాటలు అన్నీ చాలా ఇన్‌ట్రెస్టింగా.. పవర్‌ఫుల్‌గా ఉన్నాయి. అదే విధంగా పాటలు కూడా బాగున్నాయి. చిత్రం ప్రేక్షకుల ఆదరణతో చాలా మంచి సక్సెస్ అవ్వాలి. ఈ సినిమా యూనిట్‌కు నా అభినందనలు” అని అన్నారు.
నిర్మాత, దర్శకుడు, మ్యూజిక్ డైరెక్టర్ ఘంటాడి కృష్ణ(జికె) మాట్లాడుతూ.. “మిత్రుడు ప్రముఖ నటుడు సత్యం రాజేష్ చేతులమీదుగా ‘ఓ హసీనా!’ లిరికల్ వీడియో సాంగ్ విడుదల చేయడం ఆనందంగా ఉంది. వారికి నా ధన్యవాదాలు తెలుపుకుంటున్నాను. ప్రముఖ గీత రచయిత వరికుప్పల యాదగిరి స్వీయ రచనలో ఓ హసీనా! పాటను పాడటం జరిగింది. ‘6 టీన్స్’ సినిమాకు సీక్వెల్‌గా, మర్డర్ మిస్టరీ కంటెంట్‌తో థ్రిల్లింగ్ ఎక్సపీరియన్స్‌నిచ్చే యూత్‌ఫుల్ ఎంట‌ర్‌టైన‌ర్‌గా రూపొంద‌తున్న ఈ చిత్రంలో అన్ని వ‌ర్గాల వారిని అల‌రించే అంశాలున్నాయి. టైటిల్‌కి తగ్గట్టుగా లైఫ్ గేమ్ లో యూత్ చేసే తప్పులు, పొరపాట్లు వలన ఎలాంటి రిస్క్ లో పడతారో ప్రేక్షకులకు డిఫరెంట్ అనుభూతిని కలిగించే కథనంతో ఈ చిత్రం ఉంటుంది. ఈ చిత్రాన్ని డిసెంబర్ 25న తెలుగు, హిందీ, తమిళ్, కన్నడ భాషలలో ఒకేసారి విడుదల చేయడానికి సన్నాహాలు చేస్తున్నాం” అని అన్నారు.
హీరో సందీప్ అశ్వ మాట్లాడుతూ.. ‘నా తొలి చిత్రం రిస్క్ రెండవ సాంగ్ ఓ హసీనా ఫ్రెండ్ సత్యం రాజేష్ చేతుల మీదుగా విడుదల చేయడం ఆనందంగా ఉంది. థాంక్ యూ సో మచ్. ఈ సినిమా అంత కలర్‌ఫుల్‌గా, ఎంటర్టైన్‌గా ఉండబోతోంది. ఓ హసీనా సాంగ్ గోవా లోని అందమైన బీచ్ లలో చిత్రీకరించడం జరిగింది. ఈ పాట తరుణ్ సాగర్, అర్జున్ ఠాకూర్, విశ్వేష్, జోయా ఝవేరి నాపై చిత్రీకరించారు. ఈ చిత్రంలో మంచి మ్యూజిక్, మంచి డైలాగ్స్, ఊహించని ట్విస్టులు ఉన్నాయి. నా మొదటి సినిమాకే ఘంటాడి కృష్ణ గారినుండి ఇలాంటి మ్యూజిక్ వస్తుందని ఊహించలేదు. ఈ చిత్రం డిసెంబర్ 25న విడుదల కాబోతుంది.” అని అన్నారు.