Published on Dec 8, 2024 9:00 PM IST
ఇప్పుడు పాన్ ఇండియా మార్కెట్ ని పుష్ప రాజ్ తన మేనియాతో కప్పేసాడు. హిందీ తెలుగు అని లేకుండా నైజాం నుంచి నార్త్ అమెరికా వరకు రికార్డ్స్ ఉరికించి కొడుతున్నాడు. ఇండియన్ సినిమా దగ్గర బిగ్గెస్ట్ ఓపెనర్ గా బాహుబలి 2 ఉంటే దానిని RRR చిత్రం బ్రేక్ చేసింది. అయితే ఈ తర్వాత కూడా చాలా చిత్రాలు హిందీ సహా తెలుగు నుంచి వచ్చాయి కానీ RRR ఓపెనింగ్ రికార్డుని మాత్రం టచ్ చెయ్యలేదు.
కానీ దీనిని భారీ మార్జిన్ తో ఐకాన్ స్టార్ అల్లు అర్జున్ అవైటెడ్ సీక్వెల్ “పుష్ప 2” తో బ్రేక్ చేసాడు. అయితే పుష్ప 2 ఇచ్చిన ఈ బిగ్ టార్గెట్ ని మళ్ళీ ఏ సినిమా బీట్ చేస్తుంది అనేది పెద్ద ప్రశ్న గానే మారింది. కానీ దీనిని కొట్టే పొటెన్షియల్ మాత్రం ఈ మధ్యలో ఒకే ఒక్క చిత్రానికి ఉంది అని చెప్పొచ్చు. కాగా ఆ చిత్రమే “వార్ 2”. మ్యాన్ మాసెస్ ఎన్టీఆర్ అలాగే బాలీవుడ్ గ్రీక్ గాడ్ హృతిక్ రోషన్ కాంబినేషన్ లో తెరకెక్కుతున్న ఈ అవైటెడ్ భారీ సీక్వెల్ పై కూడా భారీ అంచనాలు ఉన్నాయి.
తారక్ సోలో గానే దేవరతో రికార్డు ఓపెనింగ్స్ కొట్టాడు. ఇంకో పక్క వార్ 2 పై కూడా ఆకాశమే హద్దు అన్న రేంజ్ లో హైప్ ఉంది. అటు హిందీ సహా తెలుగు సినిమాలో కూడా భారీ అంచనాలు దీనిపై ఉన్నాయి. అలాగే ఓవర్సీస్ మార్కెట్ లో కూడా వార్ మొదటి సినిమా భారీ వసూళ్లు అందుకుంది. ఇలా అన్ని కొలమానాలు చూస్తే పుష్ప 2 ఓపెనింగ్స్ ని కొట్టే ఒకే ఒక్క సినిమాగా ప్రస్తుతానికి ఇది కనిపిస్తుంది అని చెప్పొచ్చు. ఇక ఈ అవైటెడ్ సినిమా వచ్చే ఏడాది స్వాతంత్ర దినోత్సవం కానుకగా రిలీజ్ కి రాబోతుంది.