Published on Jan 1, 2025 4:00 PM IST
పాన్ ఇండియా రెబల్ స్టార్ ప్రభాస్ హీరోగా ఇపుడు పలు భారీ చిత్రాలు చేస్తున్న సంగతి అందరికీ తెలిసిందే. మరి ఈ చిత్రాల్లో క్రేజీ సీక్వెల్స్ తో పాటుగా సోలో సినిమాలు కూడా ఉన్నాయి. ఇలా ప్రస్తుతం ది రాజా సాబ్ ఇంకోపక్క దర్శకుడు హను రాఘవపూడితో భారీ సినిమాలు తాను చేస్తున్నారు. అయితే ఈ సమయంలో ప్రభాస్ నుంచి ఒక సందేశం అందరికీ వచ్చింది. డ్రగ్స్ కి సంబంధించి వచ్చిన ఈ వీడియోలో ప్రభాస్ లేటెస్ట్ లుక్స్ అందరినీ ఆశ్చర్యపరిచాయి.
రీసెంట్ గా వచ్చిన సినిమాల్లో కంటే చాలా బెటర్ గా ఇంకా ఫ్రెష్ గా తాను కనిపించడంతో ఫ్యాన్స్ బాగా ఎగ్జైట్ అవుతున్నారు. అలాగే ఇది మాత్రమే కాకుండా అప్పుడెప్పుడో సాహో కి ముందు చేసిన ఫోటో షూట్ లుక్స్ లో ప్రభాస్ కనిపించడంతో ఫ్యాన్స్ కి తన లుక్స్ ఇపుడు స్పెషల్ గా మారాయి. అయితే ఇది ది రాజా సాబ్ కోసమా లేక హను రాఘవపూడి సినిమా లోనా అనేది మాత్రం ఆసక్తిగా మారింది. మొత్తానికి మాత్రం ప్రభాస్ ఫ్యాన్స్ ఇపుడు తన లుక్స్ ని ఎంజాయ్ చేస్తున్నారు.