Published on Nov 8, 2024 2:00 AM IST
యంగ్ హీరో కిరణ్ అబ్బవరం నటించిన లేటెస్ట్ మూవీ ‘క’ దీపావళి కానుకగా రిలీజ్ అయ్యి బాక్సాఫీస్ దగ్గర సందడి చేస్తోంది. థ్రిల్లింగ్ కాన్సెప్ట్‌తో తెరకెక్కిన ఈ సినిమాకు ప్రేక్షకుల నుండి మంచి రెస్పాన్స్ దక్కుతోంది. దీంతో చిత్ర యూనిట్ తాము పడ్డ కష్టానికి మంచి రిజల్ట్ వచ్చిందని సంతోషం వ్యక్తం చేస్తున్నారు. అయితే, ఈ సినిమా ఓటీటీ స్ట్రీమింగ్‌పై సోషల్ మీడియాలో పలు రకాల వార్తలు వినిపిస్తున్నాయి.
‘క’ చిత్రాన్ని అతి త్వరలో ఓటీటీలో స్ట్రీమింగ్ చేస్తారనే వార్తలు వినిపిస్తున్నాయి. దీంతో ఈ వార్తలపై ‘క’ చిత్ర డిస్ట్రిబ్యూటర్, నిర్మాత వంశీ నందిపాటి స్పందించారు. తాము ‘క’ చిత్రాన్ని ఇప్పట్లో ఓటీటీ స్ట్రీమింగ్‌కి ఇవ్వడం లేదని.. ప్రేక్షకులు ఇలాంటి సినిమాను థియేటర్లలో ఎక్స్‌పీరియెన్స్ కావాలని ఆయన అన్నారు. దీంతో ‘క’ మూవీ ఓటీటీ వార్తలకు చెక్ పడిందని చెప్పాలి.
ఇక సందీప్-సుజిత్ ద్వయం ఈ చిత్రాన్ని డైరెక్ట్ చేయగా, సామ్ సిఎస్ ఈ సినిమాకు అదిరిపోయే సంగీతాన్ని అందించాడు. ఈ సినిమాలో నయన్ సారిక, తన్వీ రామ్ హీరోయిన్లుగా నటించారు.