Chat on WhatsApp
ఐకాన్ స్టార్ అల్లు అర్జున్ హీరోగా క్రియేటివ్ డైరెక్టర్ సుకుమార్ దర్శకత్వంలో రాబోతున్న ‘పుష్ప 2 ది రూల్’ ట్రైలర్ కోసం ఫ్యాన్స్ ఎంతో ఆసక్తిగా ఎదురుచూస్తున్నారు. అంతగా అభిమానులు ఎప్పుడెప్పుడా అని ఎదురుచూస్తున్న ఈ అప్ డేట్ పై క్లారిటీ రాబోతుంది. ‘పుష్ప 2’ ట్రైలర్ రిలీజ్ గురించి ఈ రోజు రివీల్ చేయబోతున్నారు. కాగా ‘పుష్ప 2’ కొత్త పోస్టర్‌తో పాటు ట్రైలర్ విడుదల తేదీని కూడా ఈ రోజు అధికారికంగా వెల్లడించనున్నారు. ఎంతో కాలంగా ఎదురు చూస్తున్న ఈ అప్ డేట్ కోసం అభిమానులు ఉత్కంఠగా ఎదురు చూస్తున్నారు.
ఇక ఈ మూవీలో నేషనల్ క్రష్ రష్మిక మందన్న హీరోయిన్ గా నటిస్తుంది. కాగా మైత్రి మూవీ మేకర్స్ సంస్థ పై నవీన్ ఎర్నేని, వై. రవిశంకర్ పాన్ ఇండియన్ రేంజ్ లో గ్రాండ్ గా నిర్మిస్తున్నారు. ఈ భారీ బడ్జెట్ చిత్రానికి దేవి శ్రీ ప్రసాద్ తో పాటు తమన్ కూడా సంగీతం అందిస్తున్నారు. అన్నట్టు శ్రీలీల, సునీల్, ఫహాద్ ఫాజిల్, అనసూయ భరద్వాజ్ మరియు బ్రహ్మాజీ వంటి తారాగణం ఈ సినిమాలో నటించింది. కాగా ఈ డిసెంబర్ 5న సినిమా గ్రాండ్ గా రిలీజ్ కి రాబోతుంది.
The post ‘పుష్ప 2’ ట్రైలర్ పై నేడే క్లారిటీ.. ఫ్యాన్స్ లో ఉత్కంఠ first appeared on Latest Telugu Movie News, Reviews, OTT, OTT Reviews, Ratings.