Chat on WhatsApp
Published on Nov 8, 2024 8:02 AM IST
మన తెలుగు సినిమా కానీ భారతీయ సినిమాని కానీ మరో లెవెల్లో నిలబెట్టిన దర్శకుడు ఎవరైనా ఉన్నారు అంటే అది డెఫినెట్ గా దర్శక దిగ్గజం ఎస్ ఎస్ రాజమౌళి అనే చెప్పాలి. మరి జక్కన్న తన సినిమాల్ని ఇతర భాషల్లో ఏ రకంగా ప్రమోట్ చేస్తారో అనేది కూడా అందరికీ తెలిసిందే.
దీనితో ఓ సినిమాని పాన్ ఇండియా లెవెల్లో ప్రమోషన్స్ చెయ్యాలి అంటే రాజమౌళి తరహాలో చెయ్యాలని చాలా మంది మాట్లాడుకుంటారు. కానీ రాజమౌళికి ఇలా తెలుగు సినిమాని ఇతర భాషల్లోకి తీసుకెళ్లాలి అని ప్రేరణ ఇచ్చింది మాత్రం తమిళ హీరో సూర్య అని తన భారీ సినిమా “కంగువా” ప్రీ రిలీజ్ ఈవెంట్ లో చెప్పడం జరిగింది.
సూర్య అప్పట్లోనే తన సినిమాలకి తెలుగులో ప్రమోషన్స్ చేసేవాడు అని అలా ఆ విషయాన్నే మన వాళ్ళకి చెప్పేవాడిని అని ఓ రకంగా నేను పాన్ ఇండియా సినిమాలు చేయడానికి వాటిని ముందుకు తీసుకెళ్లడానికి సూర్యనే ఇన్స్పిరేషన్ గా తీసుకున్నాను అని జక్కన్న అసలు విషయం చెప్పారు.