Chat on WhatsApp
Published on Nov 22, 2024 2:00 AM IST
గ్లోబల్ స్టార్ రామ్ చరణ్ ప్రస్తుతం తన లేటెస్ట్ మూవీ ‘గేమ్ ఛేంజర్’ మూవీ రిలీజ్ కోసం రెడీ అవుతున్నాడు. స్టార్ డైరెక్టర్ శంకర్ ఈ సినిమాను తెరకెక్కించగా, కియారా అద్వానీ ఈ సినిమాలో హీరోయిన్‌గా నటించింది. ఇక ఈ సినిమాను సంక్రాంతి కానుకగా రిలీజ్ చేస్తున్నట్లు మేకర్స్ ఇప్పటికే క్లారిటీ ఇచ్చారు.
అయితే, రామ్ చరణ్ ఇప్పుడు తన నెక్స్ట్ మూవీ షూటింగ్‌ను కూడా స్టార్ట్ చేయనున్నట్లు తెలుస్తోంది. దర్శకుడు బుచ్చి బాబు సానా డైరెక్షన్‌లో ఓ స్పోర్ట్స్ డ్రామా మూవీలో చరణ్ నటించబోతున్నాడు. ఇప్పటికే ఈ సినిమాను అధికారికంగా లాంచ్ కూడా చేశారు. అయితే, నవంబర్ 22 శుక్రవారం రోజున ఈ సినిమా రెగ్యులర్ షూటింగ్ స్టార్ట్ చేయనున్నారట మేకర్స్.
ఇప్పటికే ఈ సినిమా కోసం రామ్ చరణ్ కొత్తగా మేకోవర్ ట్రై చేస్తున్నాడు. ఇక ఈ సినిమాలో అందాల భామ జాన్వీ కపూర్ హీరోయిన్‌గా నటిస్తుండగా.. కన్నడ సూపర్ స్టార్ శివ రాజ్ కుమార్ మరో ముఖ్య పాత్రలో నటిస్తున్నారు. ఈ సినిమాకు ఏఆర్ రెహమాన్ సంగీతం అందిస్తుండగా వ్రిద్ధి సినిమాస్, మైత్రీ మూవీ మేకర్స్, సుకుమార్ రైటింగ్స్ బ్యానర్లు సంయుక్తంగా ప్రొడ్యూస్ చేయబోతున్నాయి.