ప్రస్తుతం టాలీవుడ్‌లో రీ-రిలీజ్ చిత్రాల ట్రెండ్ నడుస్తోంది. తమ అభిమాన చిత్రాలను రీ-రిలీజ్ చేస్తూ ఫ్యాన్స్ థియేటర్లలో ఎంజాయ్ చేస్తున్నారు. అయితే, ఈ రీ-రిలీజ్ చిత్రాలు కూడా రికార్డులు క్రియేట్ చేస్తుండటంతో, స్టార్స్ అందరూ తమ సినిమాలను రీ-రిలీజ్ చేసేందుకు ఆసక్తిని చూపుతున్నారు. అయితే, మరికొద్ది రోజుల్లో నూతన సంవత్సరం 2025 ప్రారంభం కానుంది. ఈ సందర్భంగా టాలీవుడ్‌లో కొన్ని రీ-రిలీజ్ చిత్రాలు బాక్సాఫీస్ దగ్గర సందడి చేయబోతున్నాయి.
1996లో మెగాస్టార్ చిరంజీవి నటించిన క్లాసిక్ మూవీ ‘హిట్లర్’ బ్లాక్ బస్టర్ హిట్‌గా నిలిచింది. ఈ సినిమాను దర్శకుడు ముత్యాల సుబ్బయ్య డైరెక్ట్ చేశారు. ఇప్పుడు ఈ సినిమాను జనవరి 1న రీ-రిలీజ్ చేస్తున్నారు. దీంతో ఈ సినిమాను థియేటర్లలో చూసేందుకు మెగా ఫ్యాన్స్ రెడీ అవుతున్నారు. ఇక దర్శకధీరుడు రాజమౌళి తెరకెక్కించిన స్పోర్స్ట్ డ్రామా మూవీ ‘సై’ టాలీవుడ్‌కి రగ్బీ ఆటను పరిచయం చేసింది. నితిన్, జెనీలియా జంటగా నటించిన ఈ సినిమా కూడా జనవరి 1న రీ-రిలీజ్ కానుంది.
ఈ రెండు సినిమాలతో పాటు హీరో సిద్ధార్థ్, షామిలి నటించిన క్లాసిక్ లవ్‌స్టోరీ మూవీ ‘ఓయ్’ కూడా రీ-రిలీజ్ కానుంది. ఈ సినిమా ఇప్పటికే ఒకసారి రీ-రిలీజ్ కాగా, దీనికి సాలిడ్ రెస్పాన్స్ దక్కింది. ఇప్పుడు రెండోసారి ‘ఓయ్’ మూవీ రీ-రిలీజ్ అవుతుండటం విశేషం. మరి ఈ నూతన సంవత్సరానికి స్వాగతం పలికేందుకు వస్తున్న ఈ మూడు చిత్రాలు రీ-రిలీజ్‌లో ఎలాంటి రెస్పాన్స్ అందుకుంటాయో చూడాలి.
The post కొత్త సంవత్సరానికి స్వాగతం చెబుతున్న రీ-రిలీజ్ చిత్రాలు first appeared on Latest Telugu Movie News, Reviews, OTT, OTT Reviews, Ratings.