సైకలాజికల్ హారర్ థ్రిల్లర్లకు ప్రాధాన్యం ఇచ్చే వారు మమ్ముట్టి నటించిన రోర్‌షాక్ సినిమాను తప్పకుండా చూడాలి. 2022లో విడుదలైన ఈ చిత్రం ప్రేక్షకుల హృదయాలను గెలుచుకుని, విమర్శకుల ప్రశంసలు పొందింది. ప్రస్తుతం రోర్‌షాక్ జియో స్టార్ ఓటీటీలో స్ట్రీమింగ్ అవుతోంది.
డైరెక్టర్ నిసామ్ బషీర్ తెరకెక్కించిన ఈ సినిమా కథ ల్యూక్ ఆంటోనీ చుట్టూ తిరుగుతుంది. అతని భార్య అనూహ్యంగా అదృశ్యమవుతుంది, దీంతో ఆమె కోసం అతను స్వయంగా అన్వేషణ ప్రారంభిస్తాడు. ఈ జాడలలో అతను బాలన్ కుటుంబం వరకు చేరుకుంటాడు. కానీ ఈ ప్రయాణంలో అతనికి అనేక రహస్యాలు, మిస్టరీ సంఘటనలు ఎదురవుతాయి. అతను నిజంగా ఎవరు? అతని గతంలో ఏమైంది? ఈ ప్రశ్నలకు సమాధానం రోర్‌షాక్ క్లైమాక్స్‌లో తెలుస్తుంది.
2 గంటల 30 నిమిషాల నిడివి గల ఈ చిత్రంలో మమ్ముట్టి నటన అద్భుతంగా ఉంటే, షరాఫుద్దీన్, జగదీష్, గ్రేస్ ఆంటోనీ, బిందు పనికర్, కొట్టాయం నసీర్ ముఖ్య పాత్రలు పోషించారు. సినిమా విజువల్స్, బ్యాక్‌గ్రౌండ్ స్కోర్ ప్రేక్షకులను అబ్బురపరిచేలా ఉన్నాయి. కథలోని మలుపులు, చివరి ట్విస్ట్ ప్రేక్షకులను ఆశ్చర్యానికి గురిచేస్తాయి.
సస్పెన్స్, మిస్టరీ, హారర్ అన్ని అంశాలను కలిపిన రోర్‌షాక్ ఇప్పుడు జియో స్టార్ ఓటీటీలో అందుబాటులో ఉంది. కొత్తదనం కోరుకునే ప్రేక్షకులు తప్పక చూడాల్సిన సినిమా.