పాన్ ఇండియా స్టార్ ప్రభాస్ ప్రస్తుతం వరుస సినిమాలతో బిజీగా ఉన్నాడు. ఇప్పటికే ‘ది రాజా సాబ్’ షూటింగ్‌లో బిజీగా ఉన్న ప్రభాస్, ఈ సినిమాను ముగించుకుని తన నెక్స్ట్ మూవీ ‘ఫౌజీ’లో జాయిన్ అయ్యేందుకు సిద్ధమవుతున్నాడు. ఇక ఈ సినిమా తరువాత తన నెక్స్ట్ చిత్రాన్ని దర్శకుడు సందీప్ రెడ్డి వంగా డైరెక్షన్‌లో తెరకెక్కించనున్నాడు. ఈ సినిమాకు ‘స్పిరిట్’ అనే టైటిల్‌ను ఇప్పటికే ఫిక్స్ చేశారు.
అయితే, ‘స్పిరిట్’ కోసం సందీప్ రెడ్డి వంగా ఓ పవర్‌ఫుల్ కథను రాసుకున్నాడట. ఈ సినిమాలో ప్రభాస్ రెండు వైవిధ్యమైన పాత్రల్లో నటించబోతున్నాడని తెలుస్తోంది. అందులో ఒకటి పోలీస్ పాత్ర అని చిత్ర వర్గాల్లో టాక్. ఇక ఈ సినిమాలో యాక్షన్ డోస్ రెట్టింపుగా ఉండబోతుందట. కాగా, ఈ సినిమాలో విజయ్ దేవరకొండ, రణ్‌బీర్ కపూర్‌ల కేమియో కూడా ఉంటుందని వార్తలు వినిపిస్తున్నాయి. తాను చేసిన సినిమాల హీరోలను ‘స్పిరిట్’లోనూ చూపెట్టాలని సందీప్ రెడ్డి వంగా ప్లాన్ చేస్తున్నాడట.
అంతేగాక, ‘స్పిరిట్’లో ఓ స్టార్ హీరోను విలన్ పాత్రలో నటింపజేసేందుకు సందీప్ రెడ్డి ప్రయత్నిస్తున్నాడట. ఇలా ‘స్పిరిట్’ సినిమాలో పలువురు స్టార్స్‌ను చూపెడుతుండటంతో, సందీప్ రెడ్డి ఈసారి ఏదో గట్టిగానే ప్లాన్ చేస్తున్నాడనే టాక్ సినీ సర్కిల్స్‌లో జోరుగా వినిపిస్తోంది.
The post ‘స్పిరిట్’ కోసం సందీప్ రెడ్డి వంగా భారీ ప్లాన్..? first appeared on Latest Telugu Movie News, Reviews, OTT, OTT Reviews, Ratings.