Chat on WhatsApp
Published on Nov 19, 2024 10:00 PM IST
స్టార్ హీరో విక్టరీ వెంకటేష్ నటిస్తున్న లేటెస్ట్ మూవీ ‘సంక్రాంతికి వస్తున్నాం’ ఇప్పటికే ప్రేక్షకుల్లో మంచి అంచనాలు క్రియేట్ చేసింది. ఈ సినిమాను దర్శకుడు అనిల్ రావిపూడి డైరెక్ట్ చేస్తుండటంతో ఈ మూవీ బాక్సాఫీస్ దగ్గర ఎలాంటి విజయాన్ని అందుకుంటుందా అనే ఆసక్తి అందరిలో నెలకొంది. ఇక ఈ సినిమా నుండి ఇప్పటికే రిలీజ్ అయిన పోస్టర్స్ ఈ సినిమా కంటెంట్‌పై కూడా మంచి బజ్‌ని క్రియేట్ చేస్తున్నాయి.
అయితే, ఈ సినిమాను సంక్రాంతి కానుకగా రిలీజ్ చేస్తున్నట్లు ఇప్పటికే మేకర్స్ వెల్లడించారు. కానీ రిలీజ్ డేట్‌ని మాత్రం వారు అనౌన్స్ చేయలేదు. దీంతో ఈ మూవీ రిలీజ్ డేట్‌పై మరింత క్లారిటీ ఇచ్చేందుకు చిత్ర యూనిట్ సిద్ధమయ్యింది. ఈ మేరకు వారు ఈ చిత్ర రిలీజ్ డేట్‌ను నవంబర్ 20న ఓ ప్రెస్ మీట్ పెట్టి మరీ అనౌన్స్ చేయబోతున్నట్లు తెలిపారు. దీంతో ఈ సినిమా రిలీజ్ డేట్ ఎప్పుడనేది ఓ క్లారిటీ రానుంది.
ఇక ఈ సినిమాలో అందాల భామలు మీనాక్షి చౌదరి, ఐశ్వర్య రాజేష్ హీరోయిన్లుగా నటిస్తున్నారు. ఈ చిత్రానికి భీమ్స్ సిసిరోలియో సంగీతం అందిస్తుండగా దిల్ రాజు, శిరీష్ ప్రొడ్యూస్ చేస్తున్నారు.