గ్లోబల్ స్టార్ రామ్ చరణ్ ప్రస్తుతం ‘గేమ్ ఛేంజర్’ చిత్రాన్ని సంక్రాంతి కానుకగా ప్రేక్షకుల ముందుకు తీసుకువస్తున్నాడు. ఈ సినిమాను దర్శకుడు శంకర్ డైరెక్ట్ చేయడంతో ఈ మూవీ బాక్సాఫీస్ దగ్గర ఎలాంటి సెన్సేషన్ క్రియేట్ చేస్తుందా అని అందరూ ఆసక్తిగా చూస్తున్నారు. ఇక ఈ చిత్ర ప్రమోషన్స్‌ను వేరే లెవెల్‌లో నిర్వహిస్తున్నారు మేకర్స్.
తాజాగా ‘గేమ్ ఛేంజర్’ మూవీ ప్రమోషన్స్‌ను టాలీవుడ్ క్రేజీ టాక్ షో ‘అన్‌స్టాపబుల్ విత్ ఎన్‌బికె’లో నిర్వహిస్తున్నారు. ఈ ప్రమోషన్స్ కోసం తాజాగా అన్‌స్టాపబుల్ షూటింగ్ సెట్స్‌లో సందడి వాతావరణం నెలకొంది. బాలయ్యతో పాటు రామ్ చరణ్ ఈ షూటింగ్‌లో పాల్గొంటున్నట్లు ఇప్పటికే తెలిసింది. అయితే, తాజాగా ఈ షూటింగ్‌లో మరో హీరో, చరణ్ బెస్ట్ ఫ్రెండ్ శర్వానంద్ కూడా జాయిన్ అయ్యారు.
దీనికి సంబంధించిన వీడియోలు నెట్టింట వైరల్ అవుతున్నాయి. ఈ టాక్ షోలో చరణ్, శర్వానంద్ తమ ఫ్రెండ్‌షిప్‌కి సంబంధించి ఎలాంటి ఇంట్రెస్టింగ్ విషయాలను వెల్లడిస్తారా అని అందరూ ఆసక్తిగా చూస్తున్నారు.
The post అన్‌స్టాపబుల్ షోలో ‘గేమ్ ఛేంజర్’ ప్రమోషన్స్.. చరణ్‌కు తోడుగా మరో హీరో! first appeared on Latest Telugu Movie News, Reviews, OTT, OTT Reviews, Ratings.