Published on Nov 23, 2024 2:00 AM IST
టాలీవుడ్‌లో ‘బొమ్మరిల్లు’ వంటి బ్లాక్‌బస్టర్ చిత్రంలో నటించిన సిద్ధార్థ్ గురించి ప్రత్యేకంగా పరిచయం అవసరం లేదు. ఆయన కొన్ని సినిమాలే చేసినా, ప్రేక్షకుల్లో మంచి ఇంపాక్ట్ క్రియేట్ చేశాడు. తన యాక్టింగ్‌తో పాటు సింగింగ్‌తోనూ సాలిడ్ గుర్తింపును తెచ్చుకున్నాడు. ఇక ఇటీవల వరుసగా సినిమాలు చాలా సెలెక్టివ్‌గా చేస్తూ సందడి చేస్తున్నాడు.
అయితే, సిద్ధార్థ్ తాజాగా మరో సినిమాతో ప్రేక్షకుల ముందుకు వస్తున్నాడు. ‘‘మిస్ యు’’ అంటూ తన కొత్త సినిమాను తెలుగు ప్రేక్షకుల ముందుకు తీసుకొస్తున్నాడు ఈ హీరో. ఇక ఈ సినిమాలో అందాల భామ ఆషికా రంగనాథ్ హీరోయిన్‌గా నటించగా రాజశేఖర్ ఈ సినిమాను డైరెక్ట్ చేశాడు. గిబ్రాన్ సంగీతం అందిస్తున్న ఈ సినిమాను తమిళ్‌తో పాటు తెలుగులోనూ రిలీజ్ చేస్తున్నారు. అయితే, ఈ సినిమా ట్రైలర్‌ను నవంబర్ 23న సాయంత్రం 5 గంటలకు రిలీజ్ చేస్తున్నట్లు మేకర్స్ వెల్లడించారు. దీంతో ఈ సినిమా ఎలాంటి కథతో రాబోతుందా అనే ఆసక్తి క్రియేట్ అయ్యింది.