Published on Nov 4, 2024 7:31 PM IST
పాన్ ఇండియా స్టార్ ప్రభాస్‌తో సెన్సేషనల్ డైరెక్టర్ సందీప్ రెడ్డి వంగా ‘స్పిరిట్’ అనే సినిమా చేయబోతున్నట్లు గతంలోనే అనౌన్స్ చేశాడు. దీంతో ఈ సినిమా ఎప్పుడెప్పుడు పట్టాలెక్కుతుందా.. ఈ సినిమాతో ఎలాంటి బాక్సాఫీస్ రికార్డులు నమోదవుతాయా అని అభిమానులు ఎంతో ఆసక్తిగా చూస్తున్నారు.
ఇక ఇటీవల ‘స్పిరిట్’ చిత్రానికి సంబంధించిన మ్యూజిక్ సిట్టింగ్స్ కూడా స్టార్ట్ చేశారు. హర్షవర్ధన్ రామేశ్వర్ ‘స్పిరిట్’ చిత్రానికి సంగీతం అందించే భాద్యతలు తీసుకున్నాడు. ఇక ప్రస్తుతం సందీప్ రెడ్డి వంగా, హర్షవర్ధన్ రామేశ్వర్‌లు కలిసి దిగిన ఫోటోలు నెట్టింట వైరల్ అవుతున్నాయి.
ఇలా ‘స్పిరిట్’ కోసం డైరెక్టర్, మ్యూజిక్ డైరెక్టర్ వర్క్ చేస్తుండటంతో అభిమానులు సంతోషం వ్యక్తం చేస్తున్నారు. ఈ సినిమాను అతి త్వరలో పట్టాలెక్కించేందుకు మేకర్స్ రెడీ అవుతున్నారు.