Published on Jan 3, 2025 8:01 AM IST
మన టాలీవుడ్ స్టార్స్ లో గుర్రపు స్వారీ అనే ప్రస్తావన వస్తే మొదటిగా మెగాస్టార్ చిరంజీవి పేరు వినిపిస్తుంది. అయితే తన తర్వాత ఆ రేంజ్ స్టైల్, స్వాగ్ ని మ్యాచ్ చేసింది మాత్రం తన వారసుడు గ్లోబల్ స్టార్ రామ్ చరణ్ అనే చెప్పాలి. అయితే చరణ్ కి గుర్రపు స్వారీ మీద చాలా పట్టు ఉన్న సంగతి తెలిసిందే. తన రెండో సినిమా లోనే గుర్రపు స్వారీతో “మగధీర”లో అందరికీ మైమరిపించాడు.
ఇక అక్కడ నుంచి మొన్న RRR లో కూడా అలరించగా లేటెస్ట్ గా మావెరిక్ దర్శకుడు శంకర్ కలయికలో చేస్తున్న బిగ్గెస్ట్ చిత్రం “గేమ్ ఛేంజర్” లో కూడా తెల్లటి గుర్రంపై కనిపించి ఆశ్చర్యానికి గురి చేసాడు. అయితే మగధీర, RRR చిత్రాల్లో రాజమౌళి చరణ్ ని ఓ రేంజ్ లో ప్రెజెంట్ చేసిన సంగతి తెలిసిందే.
ఇపుడు గేమ్ ఛేంజర్ లో కూడా సాలిడ్ లుక్స్ తో కనిపిస్తుండగా ఈ ట్రైలర్ లాంఛ్ లో జక్కన్న చేసిన కామెంట్స్ వైరల్ గా మారాయి. చరణ్ గుర్రపు స్వారీ సీన్స్ చేస్తే కేవలం నాతో సినిమాల్లో మాత్రమే చెయ్యాలని నీతో ఆ ఒప్పందం అంతా రాయించుకుంటాను అంటూ ఫన్ గా మాట్లాడుతూ దర్శకుడు శంకర్ కి సారీ చెప్పారు. దీనితో చరణ్ గుర్రపు స్వారీ అంటే జక్కన్నకి ఎంతమక్కువ అనేది అర్ధం చేసుకోవచ్చు.