Chat on WhatsApp
Published on Nov 26, 2024 1:00 AM IST
ఐకాన్ స్టార్ అల్లు అర్జున్ లేటెస్ట్ ప్రెస్టీజియస్ మూవీ ‘పుష్ప-2’ కోసం ప్రేక్షకులు ఏ రేంజ్‌లో వెయిట్ చేస్తున్నారో అందరికీ తెలిసిందే. ఈ సినిమాను దర్శకుడు సుకుమార్ డైరెక్ట్ చేస్తుండగా డిసెంబర్ 5న ఈ చిత్రాన్ని గ్రాండ్ రిలీజ్‌కు రెడీ చేస్తున్నారు. అయితే, అనుకున్న సమయానికి ఈ సినిమా పనులు పూర్తవుతాయా లేదా అనే సందేహం అందరిలో నెలకొంది.
ఈ సినిమాకు సంబంధించిన పనులు సుకుమార్ నిర్విరామంగా చేస్తూ వస్తున్నాడు. అయితే, తాజాగా ఈ చిత్రానికి సంబంధించిన పనులు మొత్తం పూర్తి చేశాడట ఈ స్టార్ డైరెక్టర్. అల్లు అర్జున్‌కు సంబంధించిన ఓ చిన్న ప్యాచ్ వర్క్‌ను కూడా షూట్ చేసి ఈ చిత్రానికి గుమ్మడికాయ కొట్టారట మేకర్స్. దీంతో ఈ సినిమా ఎట్టిపరిస్థితుల్లో డిసెంబర్ 5న గ్రాండ్ రిలీజ్ కావడం ఖాయమని మేకర్స్ మరోసారి కాన్ఫిడెంట్‌గా చెబుతున్నారు.
ఇక ఈ సినిమాలో అందాల భామ రష్మిక మందన్న హీరోయిన్‌గా నటిస్తుండగా యంగ్ బ్యూటీ శ్రీలీల స్పెషల్ ఐటెం సాంగ్ చేస్తోంది. ఇక ఈ సినిమాకు దేవిశ్రీ ప్రసాద్ సంగీతం అందిస్తుండగా మైత్రీ మూవీ మేకర్స్ ఈ చిత్రాన్ని భారీ బడ్జెట్‌తో ప్రొడ్యూస్ చేస్తున్నారు.