Published on Dec 28, 2024 8:04 PM IST
టాలీవుడ్‌లో తెరకెక్కుతున్న క్రేజీ సీక్వెల్ చిత్రం ‘మ్యాడ్ స్క్వేర్’పై ప్రేక్షకుల్లో మంచి అంచనాలు క్రియేట్ అయ్యాయి. ఇక ఈ సినిమాను దర్శకుడు కళ్యాణ్ శంకర్ డైరెక్ట్ చేస్తుండగా మరోసారి యూత్‌ఫుల్ కంటెంట్‌తో ప్రేక్షకులను ఆకట్టుకునేలా ఈ మూవీని రూపొందిస్తున్నారు.
ఇక ఈ సినిమా నుండి రెండో సింగిల్ సాంగ్‌ను మేకర్స్ రిలీజ్ చేశారు. ‘స్వాతి రెడ్డి’ అనే పాట అప్పట్లో ఎలాంటి ట్రెండ్ క్రియేట్ చేసిందో మనం చూశాం. ఇప్పుడు ఈ పాటను ఈ సినిమాలో అఫీషియల్‌గా వినియోగించారు. ఈ పాటలో అందాల భామ రెబా మోనికా జాన్ మాస్ నెంబర్ స్టెప్పులతో ఇరగదీసింది. ఇక ఈ సినిమా హీరోలు రామ్ నితిన్, నార్నె నితిన్, సంగీత్ శోభన్‌లు కూడా ఈ పాటలో కనిపిస్తున్నారు.
ఈ పాటను భీమ్స్ సిసిరోలియో కంపోజ్ చేసి పాడగా, ఒరిజినల్ పాట పాడిన స్వాతి రెడ్డి కూడా ఈ పాటను పాడారు. ఈ ట్రెండీ సాంగ్‌కు ఆడియెన్స్ నుంచి ఇన్‌స్టంట్ రెస్పాన్స్ లభిస్తుండటంతో మేకర్స్ సంతోషం వ్యక్తం చేస్తున్నారు. ఈ సినిమాను సితార ఎంటర్‌టైన్‌మెంట్స్, ఫార్చున్ ఫోర్ సినిమాస్ బ్యానర్లు సంయుక్తంగా ప్రొడ్యూస్ చేస్తున్నారు.
వీడియో కోసం ఇక్కడ క్లిక్ చేయండి