ఇళయ దళపతి విజయ్ హీరోగా ఇప్పుడు తన కెరీర్ చివరి సినిమా అలాగే తన 69వ సినిమాని దర్శకుడు హెచ్ వినోద్ తో చేస్తున్న సంగతి తెలిసిందే. మరి ఈ చిత్రంకి ముందు విజయ్ చేసిన సినిమాల్లో రెండు సినిమాలకి సీక్వెల్స్ అయితే ఉన్నాయి. మరి వాటిలో క్రేజీ సీక్వెల్ చిత్రం “లియో 2” కూడా ఒకటి. టాలెంటెడ్ దర్శకుడు లోకేష్ కనగరాజ్ తన సినిమాటిక్ యూనివర్స్ లో చేసిన భారీ సినిమా ఇది కాగా దీనికి పార్ట్ 2 కూడా ఉందని తాను అనౌన్స్ చేసాడు.

అయితే రీసెంట్ గా జరిగిన మీడియా ఇంటరాక్షన్ లో పార్ట్ 2 కోసం తాను ఇంట్రెస్టింగ్ కామెంట్స్ చేసాడు. ఒకవేళ తనకి పార్ట్ 2 చేసే అవకాశం వస్తే దానికి “పార్తిబన్” అనే టైటిల్ ని లాక్ చేసినట్టుగా అనౌన్స్ చేసాడు. అయితే విజయ్ ఇపుడు మొదలు పెట్టిన సినిమా తర్వాత సినిమాలు ఆపేస్తున్నట్టుగా తెలిపాడు. అందుకే ఒకవేళ ఛాన్స్ వస్తే అన్నట్టుగా లోకేష్ క్లారిటీ ఇచ్చాడు. మరి విజయ్ పాలిటిక్స్ లో ఉన్నప్పటికీ సినిమాలు చేస్తాడా లేదా అనేది వేచి చూడాలి.

మెగాస్టార్ చిరంజీవి హీరోగా త్రిష హీరోయిన్ గా దర్శకుడు వశిష్ఠ తెరకెక్కిస్తున్న భారీ విజువల్ ట్రీట్ చిత్రం “విశ్వంభర” కోసం అందరికీ తెలిసిందే. మరి ఎన్నో అంచనాలు సెట్ చేసుకున్న ఈ సినిమా నుంచి నిన్ననే దసరా కానుకగా టీజర్ కూడా వచ్చింది. మరి ఈ టీజర్ లాంచ్ లో మేకర్స్ పలు ఇంట్రెస్టింగ్ అంశాలే వెల్లడించారు. మొదటగా విశ్వంభర ని జనవరిలో ప్లాన్ చేసినప్పటికీ చరణ్ కోసమే తాము వెనక్కి వెళ్లినట్లు క్లారిటీ ఇచ్చేశారు.

అయితే మరి విశ్వంభర విడుదల ఎప్పుడు? అనే ప్రశ్నకు క్లారిటీ కూడా ఇచ్చారు. గేమ్ ఛేంజర్ విడుదల తర్వాతే తమ సినిమా ఎప్పుడు విడుదల ఏంటి అనేది రివీల్ చేస్తామని తెలిపారు. సో వచ్చే ఏడాది సంక్రాంతికి అలా విశ్వంభర విడుదలపై క్లారిటీ రావచ్చని చెప్పాలి. ప్రస్తుతానికి అయితే మే రిలీజ్ అన్నట్టుగా ఊహాగానాలు వినిపిస్తున్నాయి మరి చూడాలి అంత లేట్ గా విడుదల చేస్తారో లేక త్వరగానే తీసుకొస్తారో అనేది.

గాడ్ ఆఫ్ మాసెస్ నందమూరి బాలకృష్ణ నటిస్తున్న లేటెస్ట్ మూవీ శరవేగంగా షూటింగ్ జరుపుకుంటోంది. ఈ సినిమాను NBK109 అనే వర్కింగ్ టైటిల్‌తో తెరకెక్కిస్తున్నారు. ఇక ఈ సినిమాతో బాక్సాఫీస్ దగ్గర బాలయ్య మరోసారి సెన్సేషన్ క్రియేట్ చేయడం ఖాయమని అభిమానులు ఆశిస్తున్నారు.

కాగా, ఈ సినిమాను సంక్రాంతి కానుకగా రిలీజ్ చేయబోతున్నట్లు నేడు మేకర్స్ వెల్లడించారు. ఇక ఈ చిత్ర టైటిల్, టీజర్‌ను దీపావళి కానుకగా రిలీజ్ చేయబోతున్నట్లు కూడా తెలిపారు. దీంతో ఇప్పుడు ఈ సినిమాకు ఎలాంటి టైటిల్ పెడతారా అనే ఆసక్తి అభిమానుల్లో నెలకొంది. అయితే, ఈ సినిమా కోసం రెండు డిఫరెంట్ టైటిల్స్‌ని పరిశీలిస్తున్నారట మేకర్స్. ‘డాకూ మహారాజా’, ‘సర్కార్ సీతారామ్’ అనే రెండు వెరైటీ టైటిల్స్‌లో ఈ సినిమాకు ఏదో ఒకటి పెట్టాలని చూస్తున్నారట.

ఇలా బాలయ్య సినిమా కోసం రెండు వెరైటీ టైటిల్స్‌ని పరిశీలిస్తున్న మేకర్స్, అభిమానుల అభిరుచికి అనుగుణంగా ఈ మూవీ టైటిల్ ఫిక్స్ చేయాలని ప్లాన్ చేస్తున్నారట. ఈ సినిమాకు థమన్ సంగీతం అందిస్తుండగా సితార ఎంటర్‌టైన్‌మెంట్స్, ఫార్చున్ ఫోర్ సినిమాస్ ఈ చిత్రాన్ని ప్రొడ్యూస్ చేస్తున్నాయి. దర్శకుడు బాబీ ఈ సినిమాను ప్రెస్టీజియస్‌గా డైరెక్ట్ చేస్తున్నాడు.

మ్యాన్ ఆఫ్ మాసెస్ ఎన్టీఆర్ హీరోగా జాన్వీ కపూర్ హీరోయిన్ గా దర్శకుడు కొరటాల శివ తెరకెక్కించిన భారీ పాన్ ఇండియా చిత్రం “దేవర” ఎలాంటి సక్సెస్ అందుకుందో తెలిసిందే. మరి ఎన్నో అంచనాలు నడుమ వచ్చిన ఈ చిత్రం ఎన్టీఆర్ కెరీర్ లోనే సోలోగా బిగ్గెస్ట్ గ్రాసర్ గా నిలిచింది. అయితే రిలీజ్ రోజే కొంచెం మిక్స్డ్ టాక్ తెచ్చుకున్నప్పటికీ సినిమా బాక్సాఫీస్ దగ్గర బలంగానే నిలబడింది.

అలా మూడు వారాల రన్ కి వచ్చిన ఈ చిత్రం మూడో వారాంతం అందులోని దసరా నాడు తెలుగు రాష్ట్రాల్లో అదరగొడుతున్నట్టు తెలుస్తుంది. ముఖ్యంగా కొన్ని మాస్ ఏరియాల్లో అయితే దేవర హౌస్ ఫుల్స్ పెడుతుందట. ఇలా దసరా నాడు దేవర మాస్ ర్యాంపేజ్ ఏంటో చూపించాడు అని చెప్పాలి. ఇక ఈ చిత్రానికి అనిరుద్ సంగీతం అందించగా సైఫ్ అలీఖాన్ విలన్ గా నటించారు. అలాగే ఎన్టీఆర్ ఆర్ట్స్, యువసుధ ఆర్ట్స్ ఈ సినిమాని రెండు భాగాలుగా రూపొందిస్తున్నారు.

తమిళ స్టార్ హీరో సూర్య నటించిన ప్రెస్టీజియస్ ఎపిక్ మూవీ ‘కంగువా’ షూటింగ్ పనులు ముగించుకుని రిలీజ్‌కు రెడీ అయ్యింది. ఈ సినిమాను తొలుత దసరా కానుకగా రిలీజ్ చేయాలని మేకర్స్ భావించారు. కానీ, కొన్ని కారణాల వల్ల ఈ చిత్రాన్ని వాయిదా వేశారు. ఇక ఈ సినిమాను దర్శకుడు శివ తెరకెక్కించగా పూర్తి ఫాంటెసీ యాక్షన్ డ్రామాగా ఈ సినిమా రానుంది.

ఇప్పటికే ఈ సినిమా టీజర్, ట్రైలర్లకు మంచి రెస్పాన్స్ దక్కింది. ఇక పాన్ ఇండియా సినిమాగా ఈ చిత్రాన్ని వరల్డ్‌వైడ్‌గా భారీ స్థాయిలో రిలీజ్ చేసేందుకు సిద్ధమవుతున్నారు. ఇదిలా ఉండగా, ఈ చిత్రాన్ని నార్త్ ఇండియాలో ఎవరు రిలీజ్ చేస్తారా అనే ప్రశ్నకు మేకర్స్ తాజాగా క్లారిటీ ఇచ్చేశారు. ‘కంగువా’ చిత్రాన్ని నార్త్ ఇండియాలో ప్రముఖ డిస్ట్రిబ్యూషన్ సంస్థ పెన్ మూవీస్ రిలీజ్ చేయనుంది. ఆర్ఆర్ఆర్, స్త్రీ-2 వంటి సినిమాలను కూడా ఈ సంస్థ రిలీజ్ చేయడం విశేషం.

ఇక ఈ సినిమాలో సూర్య సరికొత్త అవతారంలో పవర్‌ఫుల్ యాక్షన్‌తో ప్రేక్షకులను థ్రిల్ చేసేందుకు రెడీ అయ్యాడు. ఈ సినిమాలో దిశా పటాని, బాబీ డియోల్ తదితరులు ఇతర ముఖ్య పాత్రల్లో నటిస్తున్నారు. దేవిశ్రీ ప్రసాద్ సంగీతం అందిస్తున్న ఈ సినిమాను స్టూడియో గ్రీన్, యూవీ క్రియేషన్స్ బ్యానర్లు సంయుక్తంగా ప్రొడ్యూస్ చేస్తున్నాయి. నవంబర్ 14న ‘కంగువా’ వరల్డ్‌వైడ్‌గా గ్రాండ్ రిలీజ్ కానుంది.

Extremely thrilled to ally up with @PenMovies #PenMarudhar @jayantilalgada to deliver our mighty #Kanguva across North India ????️ Get ready to witness the magic on the Big Screens#KanguvaFromNov14 ????@Suriya_offl @thedeol @directorsiva @DishPatani @ThisIsDSP #StudioGreen… pic.twitter.com/2j4jwRgiuC

— Studio Green (@StudioGreen2) October 12, 2024

ఎనర్జిటిక్ హీరో రామ్ పోతినేని నటించిన లాస్ట్ మూవీ ‘డబుల్ ఇస్మార్ట్’ బాక్సాఫీస్ దగ్గర అనుకున్న స్థాయిలో విజయాన్ని అందుకోలేకపోయింది. ఇక ఇప్పుడు ఆయన తన కొత్త సినిమాను దసరా పర్వదినాన్ని పురస్కరించుకుని అనౌన్స్ చేశాడు.

‘మిస్ శెట్టి మిస్టర్ పొలిశెట్టి’ వంటి ఎంటర్‌టైనింగ్ చిత్రాన్ని ప్రేక్షకులకు అందించిన దర్శకుడు మహేశ్ బాబు డైరెక్షన్‌లో రామ్ పోతినేని హీరోగా ఓ సరికొత్త చిత్రాన్ని అనౌన్స్ చేశారు. రామ్ పోతినేని లాస్ట్ చిత్రాల్లో ఇదే బెస్ట్‌గా ఉండబోతుందని వారు ఈ సందర్భంగా ధీమా వ్యక్తం చేశారు. రామ్‌ను మరింత ఎనర్జిటిక్‌గా ఈ సినిమాలో చూపించబోతున్నట్లుగా తెలిపారు.

ఇక ఈ సినిమాలో రామ్ పోతినేని సరికొత్త లుక్‌లో కనిపిస్తాడని తెలుస్తోంది. కాగా, ఈ చిత్రాన్ని మైత్రీ మూవీ మేకర్స్ వారు భారీ బడ్జెట్‌తో ప్రొడ్యూస్ చేయనున్నారు.

A film that will take up a colossal space on Ustaad’s wall of fame ‍????#RAPO22 will channel all of RaPo’s energy to tell a lesser told story.

Filming untold emotions, soon

Starring @ramsayz
Written and directed by @filmymahesh
Produced by @MythriOfficial pic.twitter.com/cNjeROfkcH

— Mythri Movie Makers (@MythriOfficial) October 12, 2024

కోలీవుడ్ సూపర్ స్టార్ రజినీకాంత్ హీరోగా నటించిన రీసెంట్ చిత్రం “వేట్టయన్” రిలీజ్ కి వచ్చి డీసెంట్ టాక్ అండ్ వసూళ్లు అందుకుంటున్న సంగతి తెలిసిందే. మరి ఈ సినిమా కాకుండా రజినీకాంత్ యువ దర్శకుడు లోకేష్ కనగరాజ్ తో చేస్తున్న భారీ యాక్షన్ మల్టీ స్టారర్ చిత్రం “కూలీ” కూడా ఒకటి. మరి ఈ సినిమాపై మరిన్ని అంచనాలు నెలకొనగా ఈ చిత్రం కోసం అభిమానులు చాలా ఎగ్జైట్ గా ఎదురు చూస్తున్నారు.

ఇలా ఈ సినిమాలో చాలా వరకు బిగ్ స్టార్స్ కనిపించనున్నారు. అలా హిందీ నుంచి బాలీవుడ్ బిగ్ స్టార్ అమీర్ ఖాన్ నటించనున్నారని పలు రూమర్స్ కూడా బయటకి వచ్చాయి. అయితే దీనిపై ఇప్పుడు మరింత క్లారిటీ వినిపిస్తుంది. దీని ప్రకారం అమీర్ ఖాన్ కూలీ సెట్స్ లో త్వరలోనే అడుగు పెట్టనున్నట్టుగా కోలీవుడ్ బాలీవుడ్ వర్గాలు చెబుతున్నాయి. మరి చూడాలి ఈ వార్తల్లో ఎంతవరకు నిజం ఉంది అనేది. ఇక ఈ చిత్రానికి అనిరుద్ సంగీతం అందిస్తుండగా తనతో సన్ పిక్చర్స్ నిర్మాణం వహిస్తున్న సంగతి తెలిసిందే.