టాలీవుడ్‌లో తెరకెక్కిన ప్రెస్టీజియస్ మూవీ ‘పుష్ప-2’ డిసెంబర్ 5న గ్రాండ్ రిలీజ్‌కు రెడీ అవుతోంది. ఈ సినిమాను దర్శకుడు సుకుమార్ తనదైన మార్క్ యాక్షన్ ఎంటర్‌టైనర్‌గా రూపొందించగా, ఐకాన్ స్టార్ అల్లు అర్జున్ ఈ సినిమాతో మరోసారి బాక్సాఫీస్‌ను షేక్ చేసేందుకు సిద్ధమవుతున్నాడు. ఇక ఈ సినిమా నుండి లేటెస్ట్ అప్డేట్‌గా ‘కిసిక్’ సాంగ్‌ను మేకర్స్ రిలీజ్ చేస్తున్నారు.

ఈ సాంగ్ డ్యాన్స్ నెంబర్‌గా వస్తుండటంతో ఈ పాట ఎలాంటి సెన్సేషన్ క్రియేట్ చేస్తుందా అని అందరూ ఆసక్తిగా చూస్తున్నారు. ఇక ఈ సినిమాలోనే ఈ పాట హైలైట్‌గా నిలవనుందని చిత్ర యూనిట్ చెబుతోంది. కాగా, ఈ పాటను ఎవరు పాడారనే విషయంపై మేకర్స్ తాజాగా క్లారిటీ ఇచ్చారు. ‘కిసిక్’ సాంగ్‌ని తెలుగు, తమిళ్, కన్నడ భాషల్లో సింగర్ సుభాషిణి పాడగా.. హిందీలో సుభాషిణి, లోతిక ఝా.. మలయాళంలో ప్రియా జెర్సన్.. బెంగాలీలో ఉజ్జయినీ ముఖర్జీ ఆలపించారు.

ఇలా పలు భాషల్లో ఈ పాటకు సంబంధించిన సింగర్స్‌ను పరిచయం చేస్తూ ‘పుష్ప-2’ మేకర్స్ ఈ పాటపై మరింత హైప్ తీసుకొస్తున్నారు. ఇక ఈ ‘కిసిక్’ పాటలో అల్లు అర్జున్‌తో పాటు యంగ్ బ్యూటీ శ్రీలీల అదిరిపోయే డ్యాన్స్ స్టెప్పులు వేసిందని చిత్ర యూనిట్ తెలిపింది. ఈ పాటను నవంబర్ 24న సాయంత్రం 7.02 గంటలకు రిలీజ్ చేస్తున్నట్లు చిత్ర యూనిట్ ఇప్పటికే తెలిపింది.

The post ‘కిసిక్’ సాంగ్ పాడింది వీరే.. ఏయే భాషలో ఎవరంటే? first appeared on Latest Telugu Movie News, Reviews, OTT, OTT Reviews, Ratings.

By admin

Leave a Reply

Your email address will not be published. Required fields are marked *