Chat on WhatsApp
టాలీవుడ్‌లో తెరకెక్కుతున్న క్రేజీ మల్టీస్టారర్ మూవీ ‘భైరవం’ ప్రేక్షకుల్లో మంచి అంచనాలను క్రియేట్ చేస్తోంది. ఈ సినిమాలో యంగ్ హీరో బెల్లంకొండ శ్రీనివాస్, నారా రోహిత్, మంచు మనోజ్‌లు కలిసి నటిస్తున్నారు. దీంతో ఈ సినిమా ఎలా ఉండబోతుందా అనే ఆసక్తి అందరిలో నెలకొంది. ఇక ఇప్పటికే ఈ సినిమా నుండి బెల్లంకొండ శ్రీనివాస్, నారా రోహిత్‌లకు సంబంధించిన ఫస్ట్ లుక్ పోస్టర్స్ రిలీజ్ అయ్యి మంచి రెస్పాన్స్‌ను దక్కించుకున్నాయి.
ఈ సినిమాలో మరో కీలక పాత్రలో నటిస్తున్న రాకింగ్ స్టార్ మంచు మనోజ్‌కు సంబంధించిన ఫస్ట్ లుక్ పోస్టర్‌ను రిలీజ్ చేసేందుకు మేకర్స్ రెడీ అయ్యారు. మంచు మనోజ్ ఫస్ట్ లుక్ పోస్టర్‌ని నవంబర్ 12న ఉదయం 11.07 గంటలకు రిలీజ్ చేస్తున్నట్లు వారు అనౌన్స్ చేశారు. ఓ ప్రీ-లుక్ పోస్టర్ ద్వారా ఈ అనౌన్స్‌మెంట్ చేశారు. ఈ పోస్టర్‌లో మంచు మనోజ్ చేతిలో సిగార్‌తో ఉన్నట్లుగా చూపెట్టారు.
ఇక ఈ సినిమాను దర్శకుడు విజయ్ కనకమేడల డైరెక్ట్ చేస్తుండటంతో ఈ సినిమా ఎలాంటి కథతో రానుందా అనే ఆసక్తి ప్రేక్షకుల్లో నెలకొంది. ఈ సినిమాకు శ్రీ చరణ్ పాకాల సంగీతం అందిస్తుండగా శ్రీ సత్య సాయి ఆర్ట్స్ బ్యానర్‌పై కెకె.రాధామోహన్ ప్రొడ్యూస్ చేస్తున్నారు.
The post ‘భైరవం’ నుండి మంచు మనోజ్ లుక్‌కి టైమ్ ఫిక్స్ first appeared on Latest Telugu Movie News, Reviews, OTT, OTT Reviews, Ratings.