Published on Dec 31, 2024 5:00 PM IST
న్యాచురల్ స్టార్ నాని నటిస్తున్న లేటెస్ట్ మూవీ ‘హిట్-3’ ప్రస్తుతం శరవేగంగా షూటింగ్ జరుపుకుంటోంది. దర్శకుడు శైలేష్ కొలను డైరెక్షన్‌లో తెరకెక్కుతున్న ఈ సినిమాను ‘హిట్’ చిత్రాల ఫ్రాంచైజీ లో భాగంగా రూపొందిస్తున్నారు. ఇక ఇప్పటికే ఈ సినిమా నుంచి రిలీజ్ అయిన పోస్టర్స్, వీడియో గ్లింప్స్ ప్రేక్షకుల్లో ఈ మూవీపై అదిరిపోయే అంచనాలు క్రియేట్ చేసింది.
అయితే, ప్రస్తుతం ఈ మూవీ చిత్ర షూటింగ్ కాశ్మీర్‌లో జరుగుతోంది. ఈ షెడ్యూల్‌లో సినిమాకు సంబంధించిన పలు కీలక సన్నివేశాలను తెరకెక్కిస్తున్నారు. కాగా హిట్-3 కాశ్మీర్ షెడ్యూల్‌లో ఓ విషాదం చోటుచేసుకుంది. ఈ సినిమాకు పనిచేస్తున్న ఓ యంగ్ సినిమాటోగ్రఫర్ గుండెపోటుతో మృతి చెందినట్లు తెలుస్తోంది. కుమారి కృష్ణ అనే అసిస్టెంట్ సినిమాటోగ్రఫర్ సాను జాన్ వర్గీస్ వద్ద పనిచేస్తోంది.
ఛాతిలో నొప్పి రావడంతో ఆమెను హుటాహుటిన శ్రీ నగర్ ప్రభుత్వ మెడికల్ కాలేజీ ఆసుపత్రికి తరలించారు. అయితే, కొంతమేర కోలుకున్న ఆమెను జనరల్ వార్డులోకి మారుస్తున్న క్రమంలో ఆమెకు గుండెపోటు వచ్చిందని.. దీంతో ఆమె మృతి చెందిందని తెలుస్తోంది. కేరళలోని ఆమె స్వగ్రామంలో అంతిమ సంస్కారాలు జరగనున్నాయి. ఈ ఘటనతో హిట్-3 చిత్ర యూనిట్ విషాదం లోకి వెళ్లింది.