Published on Dec 13, 2024 9:06 PM IST
తమిళ హీరో సూర్య రీసెంట్‌గా ‘కంగువా’ మూవీతో ప్రేక్షకుల ముందుకు వచ్చాడు. ఈ సినిమా భారీ అంచనాల మధ్య రిలీజ్ అయ్యింది. అయితే, బాక్సాఫీస్ దగ్గర మాత్రం ఈ సినిమా ఫ్లాప్‌గా నిలిచింది. ఇక ఇప్పుడు సూర్య తన నెక్స్ట్ చిత్రాలపై ఫోకస్ పెట్టాడు. ఇప్పటికే కార్తీక్ సుబ్బరాజ్ డైరెక్షన్‌లో సూర్య తన 44వ చిత్రాన్ని తెరకెక్కిస్తున్నాడు. ఇక ఈ సినిమా రిలీజ్ కంటే ముందే, సూర్య తన నెక్స్ట్ ప్రాజెక్ట్‌ని కూడా ప్రారంభించాడు.
ఆర్‌జె బాలాజీ డైరెక్షన్‌లో సూర్య తన కెరీర్‌లోని 45వ చిత్రాన్ని తెరకెక్కిస్తున్నాడు. ఈ చిత్రాన్ని ఇటీవల అధికారికంగా ప్రారంభించారు. అయితే, తాజాగా ఈ సినిమాలో హీరోయిన్‌గా స్టార్ బ్యూటీ త్రిష జాయిన్ అయ్యింది. ఈమేరకు మేకర్స్ అధికారికంగా వెల్లడించారు. ఇక ఈ సినిమాకు సాయి అభ్యంకర్ సంగీతం అందిస్తున్నాడు.
సూర్య, త్రిష కాంబినేషన్‌కి మంచి క్రేజ్ ఉంది. గతంలో వీరిద్దరు కలిసి నటించిన సినిమాలు మంచి రెస్పాన్స్‌ను అందుకున్నాయి. మళ్లీ చాలారోజుల తరువాత ఈ కాంబినేషన్‌లో సినిమా వస్తుండటంతో అభిమానుల్లో ఈ మూవీపై మంచి బజ్ క్రియేట్ అవుతోంది.