విజయ్ దేవరకొండ ఇక పూర్తి స్థాయిలో మాస్ హీరో అవతారం ఎత్తేశాడు. వరుస ఫ్లాపుల వచ్చినా తన ఫోకస్ మొత్తం యాక్షన్ సినిమాలపైనే పెట్టాడు.
పెళ్లి చూపులు, అర్జున్ రెడ్డి, గీత గోవిందం లాంటి సినిమాలతో లవర్ బాయ్ ఇమేజ్ తెచ్చుకున్న విజయ్, డియర్ కామ్రేడ్, లైగర్ వంటి యాక్షన్ సినిమాలు చేసి ఫెయిల్ అయ్యాడు. ఇక ఫ్యామిలీ స్టార్ లాంటి ఫీల్ గుడ్ సినిమాతో మళ్లీ ప్రయత్నించినా సక్సెస్ దక్కలేదు. ఖుషీ మాత్రమే డీసెంట్ హిట్ అందుకుంది.
ఇప్పుడు విజయ్ పూర్తిగా మాస్ సినిమాలపైనే దృష్టి పెట్టాడు. ప్రస్తుతం కింగ్‌డమ్ అనే పాన్ ఇండియా యాక్షన్ థ్రిల్లర్ చేస్తున్నాడు. ఇందులో రగ్డ్ లుక్‌తో పోలీస్ అవతారంలో కనిపించబోతున్నారు. ఇదొక 2 పార్ట్ మూవీ, ఇందులో భాగ్యశ్రీ బోర్సే హీరోయిన్‌గా నటిస్తోంది.
అంతేకాదు, విజయ్ రాహుల్ సంకృత్యన్ దర్శకత్వంలో పీరియడ్ యాక్షన్ డ్రామా చేస్తున్నాడు. అలాగే, దిల్ రాజు నిర్మాణంలో రవికిరణ్ కోలా దర్శకత్వంలో రూరల్ మాస్ డ్రామా కమిట్ అయ్యాడు. దీనికి రౌడీ జనార్ధన్ అనే టైటిల్ ఫిక్స్ చేసారు. ఫ్యామిలీ స్టార్‌లో విజయ్ పాత్ర పేరు కూడా జనార్ధన్, అలాగే అసలు విజయ్ తండ్రి పేరు కూడా జనార్ధన్ కావడంతో ఈ టైటిల్‌ను విజయ్ ఎక్కువగా ఇష్టపడుతున్నాడని టాక్.
ఇప్పుడు విజయ్ పూర్తిగా మాస్ హీరోగా మారినందున ఈ కొత్త సినిమాలు అతనికి హిట్ ఇస్తాయో లేదో చూడాలి.