Published on Dec 9, 2024 8:04 PM IST
తమిళ స్టార్ హీరో చియాన్ విక్రమ్ ‘వీర ధీర శూరన్ పార్ట్ 2’ భారీ అంచనాల నడుమ తెరకెక్కుతోంది. ఈ చిత్రానికి ఎస్‌యు అరుణ్‌కుమార్ దర్శకత్వం వహిస్తున్నారు. ఆర్ఆర్ఆర్, విక్రమ్ చిత్రాలను డిస్ట్రిబ్యూట్ చేసిన హెచ్ఆర్ పిక్చర్స్ బ్యానర్ పై రియా శిబు ఈ సినిమాను నిర్మిస్తున్నారు. ఈ క్రమంలో తాజాగా ఈ చిత్ర టీజర్‌ను విడుదల చేశారు.
రెండు వైవిధ్యమైన షేడ్స్ ఉన్న పాత్రలో విక్రమ్ ఈ సినిమాలో నటిస్తున్నట్లు ఈ టీజర్ చూస్తే అర్థమవుతుంది. ఇక ఈ సినిమాలో ఆయన నుండి సాలిడ్ పవర్‌ప్యాక్డ్ యాక్షన్ సీక్వెన్స్‌లు కూడా రానున్నట్లు ఈ టీజర్‌లో చూపెట్టారు. ఇక పోలీస్ ఆఫీసర్‌గా ఎస్‌జే సూర్య మరోసారి తన సత్తా చాటనున్నారు. ఈ సినిమాలో విక్రమ్, ఎస్‌జే సూర్య మధ్య వచ్చే సీన్స్ ప్రేక్షకులను కట్టిపడేయడం ఖాయమని టీజర్ చూస్తే అర్థమవుతోంది.
ఇక ఈ సినిమాలో సూరజ్ వెంజరమూడు, దుషార విజయన్ తదితరులు ఇతర ముఖ్య పాత్రల్లో నటించారు. ఇప్పటికే షూటింగ్ ముగించుకున్న ఈ సినిమా ప్రస్తుతం పోస్ట్ ప్రొడక్షన్ పనుల్లో బిజీగా ఉంది. ఈ టీజర్‌తో సినిమా మీద అంచనాలు రెట్టింపు అయ్యాయి. జి.వి.ప్రకాష్ కుమార్ సంగీతం అందిస్తున్న ఈ సినిమాను జనవరిలో తమిళ్, తెలుగు, హిందీ భాషల్లో రిలీజ్ చేయనున్నారు.