మ్యాచో స్టార్ గోపిచంద్, దర్శకుడు శ్రీను వైట్ల కాంబినేషన్‌లో తెరకెక్కిన ‘విశ్వం’ దసరా కానుకగా ప్రేక్షకుల ముందుకు వచ్చింది. ఈ సినిమాకు ప్రేక్షకుల నుంచి చక్కటి రెస్పాన్స్ లభించిందని మేకర్స్ సంతోషం వ్యక్తం చేస్తున్నారు. ఈ సినిమాను చిత్రాలయం స్టూడియోస్ బ్యానర్ తమ డెబ్యూ మూవీగా తీసుకొచ్చారు.
ఈ క్రమంలో ‘విశ్వం’ చిత్రానికి లభించిన ఆదరణ తమకు సంతోషాన్ని కలిగించిందని నిర్మాత వేణు దోనేపూడి అన్నారు. ‘విశ్వం’ చిత్రానికి ప్రేక్షకుల మౌత్ టాక్ వల్లే ఆదరణ పెరిగిందని.. ఇప్పుడు ఏకంగా మూడో వారంలోకి తమ సినిమా అడుగుపెట్టడం సంతోషంగా ఉందని ఆయన తెలిపారు. ప్రేక్షకులను థియేటర్లకు రప్పించడమే కష్టమైన ఈ రోజుల్లో తమ సినిమా ఏకంగా మూడో వారంలోకి అడుగుపెట్టడం నిజంగా సంతోషాన్ని కలిగించిందిన ఆయన అన్నారు.
ఇకపై తమ చిత్రాలయం స్టూడియోస్ బ్యానర్ నుండి మరింత ఎంటర్‌టైనింగ్ కథలను ప్రేక్షకులకు అందిస్తామని.. ప్రస్తుతం తమ బ్యానర్‌లో ‘జర్నీ టు అయోధ్య’ అనే సినిమాకు సంబంధించిన ప్రీ-ప్రొడక్షన్ పనులు జరుగుతున్నాయని ఆయన తెలిపారు.
The post మూడో వారంలోకి ‘విశ్వం’.. ప్రేక్షకులకు చిత్రాలయం స్టూడియోస్ కృతజ్ఞతలు first appeared on Latest Telugu Movie News, Reviews, OTT, OTT Reviews, Ratings.