Chat on WhatsApp
Published on Nov 19, 2024 7:57 PM IST
ట్యాలెంటెడ్ యాక్టర్ సత్యదేవ్ లీడ్ రోల్‌లో నటిస్తున్న లేటెస్ట్ మూవీ ‘జీబ్రా’ నవంబర్ 22న గ్రాండ్ థియేట్రికల్ రిలీజ్‌కు రెడీ అయ్యింది. ఈ సినిమాకు సంబంధించిన ప్రమోషనల్ కంటెంట్ ప్రేక్షకుల్లో మంచి బజ్‌ని క్రియేట్ చేసింది. దీంతో ఈ సినిమాను ప్రమోట్ చేస్తూ చిత్ర యూనిట్ బిజీగా ఉంది. ఇక రిలీజ్‌కు మరో మూడు రోజులు మాత్రమే ఉండటంతో, తాజాగా సెన్సార్ పనులు కూడా ముగించుకుంది ఈ చిత్రం.
జీబ్రా చిత్రానికి సెన్సార్ బోర్డు వారు యూ/ఏ సర్టిఫికెట్ జారీ చేశారు. ఈ సినిమాలో ప్రేక్షకులను ఆకట్టుకునే అంశాలు పుష్కలంగా ఉన్నాయని మేకర్స్ చెబుతున్నారు. ఫైనాన్షియల్ ఫ్రాడ్ నేపథ్యంలో తెరకెక్కిన ఈ సినిమాలోని ట్విస్టులు ప్రేక్షకులను ఆకట్టుకోవడం ఖాయమని వారు చెబుతున్నారు. ఈ సినిమాలో మాస్ ఆడియెన్స్ కోరుకునే యాక్షన్ కూడా ఉందని వారు చెబుతున్నారు.
కన్నడ నటుడు డాలి ధనంజయ మరో లీడ్ రోల్‌లో నటిస్తున్న ఈ సినిమాలో ప్రియా భవానీ శంకర్, సత్యరాజ్, అమృత అయ్యంగార్ తదితరులు ఇతర ముఖ్య పాత్రల్లో నటిస్తున్నారు. రవి బస్రూర్ సంగీతం అందించిన ఈ సినిమాను ఈశ్వర్ కార్తీక్ డైరెక్ట్ చేస్తున్నాడు.