2006లో సినీ ఇండస్ట్రీకి పరిచయమైన సాయి ధన్సిక (Sai Dhanshika) ఎన్నో తమిళ సినిమాల్లో నటించింది. అయితే, తొలినాళ్లలో ఆమెకు పెద్దగా గుర్తింపు రాలేదు. కానీ 2016లో రజనీకాంత్ (Rajinikanth) హీరోగా నటించిన “కబాలి” (Kabali) సినిమాలో ఆయన కూతురి పాత్రతో మంచి గుర్తింపు సంపాదించింది. నటన, అందం ఉన్నా సరే, ఈ ముద్దుగుమ్మకు (Cute Girl) సరైన క్రేజ్ దక్కలేదు.
తెలుగులో ‘వాలుజడ’, ‘షికారు’, ‘అంతిమ తీర్పు’ వంటి సినిమాలు చేసినా ప్రేక్షకులను ఆకట్టుకోలేకపోయింది. అయినప్పటికీ, సోషల్ మీడియాలో ధన్సిక షేర్ చేసే ఫోటోలు మాత్రం విపరీతంగా వైరల్ అవుతున్నాయి. ఆమె గ్లామర్ ఫోటోలు నెటిజన్లను విశేషంగా ఆకట్టుకుంటున్నాయి.
తాజాగా ఆమె గురించి ఆసక్తికరమైన వార్త బయటకు వచ్చింది. తమిళ నటుడు విశాల్ (Vishal)తో సాయి ధన్సిక పెళ్లి చేసుకోబోతున్నట్లు సమాచారం. విశాల్ వయసు 47 ఏళ్లు కాగా, ధన్సిక వయసు 35 ఏళ్లు. వీరిద్దరి మధ్య 12 ఏళ్ల వయసు తేడా ఉంది. ఈ పెళ్లి వార్త ఇప్పుడు సోషల్ మీడియాలో హాట్ టాపిక్ (Hot Topic)గా మారింది.
ధన్సికకు ఇంతవరకు నటనలో అందని గుర్తింపు ఇప్పుడు వ్యక్తిగత జీవితంలో పెళ్లి రూపంలో లభించబోతుందా అన్న ఆసక్తి ప్రేక్షకుల్లో నెలకొంది. ఇద్దరి పెళ్లికి సంబంధించిన అధికారిక సమాచారం త్వరలో రావచ్చని అంటున్నారు.
