తక్కువ కాలంలోనే స్టార్ హీరోయిన్గా ఎదిగిన యంగ్ బ్యూటీ శ్రీలీలకు వరుస అవకాశాలు వచ్చినా వాటిని పూర్తి విజయాలుగా మార్చుకోలేకపోయింది. ఆమె చేసిన ‘ధమాకా’ తర్వాత విజయాలు దాదాపు దూరమయ్యాయి. రొటీన్ పాత్రలు, డ్యాన్సులకే ఆమె పరిమితమైపోయిందన్న విమర్శలు ఎదురవుతున్నాయి.
ఈ క్రమంలో ఇప్పుడు ఆమె చేతిలో ఉన్న ‘పరాశక్తి’ ఆమె కెరీర్కు టర్నింగ్ పాయింట్గా మారే అవకాశం ఉన్నట్లు కనిపిస్తోంది. ‘గురు’, ‘ఆకాశమే నీ హద్దు’ వంటి హిట్ సినిమాలు చేసిన సుధా కొంగర దర్శకత్వంలో ఈ చిత్రం రూపొందుతోంది. ఆమె చిత్రాల్లో హీరోయిన్ల పాత్రలు కాస్త వైవిధ్యంగా ఉంటాయి. ఇందులో శ్రీలీల పాత్రలో కూడా అదే వైవిధ్యం ఉంటుందని అభిమానులు ఆశిస్తున్నారు.
ఈ సినిమా విజయవంతమైతే శ్రీలీల కెరీర్లో మలుపు తిరిగే అవకాశం ఉంది. సుధా కొంగర సృష్టించే బలమైన పాత్ర ఆమెకు కొత్త ఇమేజ్ని తీసుకొచ్చే సూచనలు కనిపిస్తున్నాయి. ఇక ఈ సినిమాలో శివ కార్తికేయన్ హీరోగా నటిస్తుండటంతో ఈ మూవీపై మంచి బజ్ క్రియేట్ అయ్యింది.
The put up టర్నింగ్ పాయింట్కు చేరువలో శ్రీలీల..? first gave the impression on Newest Telugu Film Information, Critiques, OTT, OTT Critiques, Rankings.