మెగా డాటర్ నిహారిక కొణిదెల తన సొంత బ్యానర్ పింక్ ఎలిఫెంట్ పిక్చర్స్ మరియు జీ స్టూడియోస్ సమర్పణలో నిర్మిస్తున్న తాజా చిత్రం ‘రాకాస’. మానస శర్మ దర్శకత్వంలో ఫాంటసీ కామెడీ జోనర్లో తెరకెక్కిన ఈ సినిమా ఏప్రిల్ 3, 2026న థియేటర్లలో గ్రాండ్గా విడుదల కానుంది. సంగీత్ శోభన్ హీరోగా నటిస్తుండగా, నయన్ సారిక హీరోయిన్గా కనిపించనుంది.
ఇక ఈ సినిమాపై ఉన్న నమ్మకంతో చిత్ర బృందం ఒక రోజు ముందుగానే, అంటే ఏప్రిల్ 2న ఆంధ్రప్రదేశ్ మరియు తెలంగాణలోని పలు నగరాల్లో పెయిడ్ ప్రీమియర్స్ ప్లాన్ చేసింది. సాధారణంగా కంటెంట్ మీద గట్టి నమ్మకం ఉంటేనే నిర్మాతలు ఇలాంటి సాహసం చేస్తుంటారు. కాబట్టి ‘రాకాస’ ప్రేక్షకులను అలరిస్తుందని టీమ్ ధీమాగా ఉంది.
ఈ చిత్రంలో వెన్నెల కిషోర్, తనికెళ్ళ భరణి, గెటప్ శ్రీను మరియు బ్రహ్మాజీ ఇతర కీలక పాత్రల్లో నటిస్తున్నారు. అనుదీప్ దేవ్ ఈ చిత్రానికి సంగీతాన్ని అందించాడు. విభిన్నమైన కథాంశంతో వస్తున్న ఈ ఫాంటసీ ఎంటర్టైనర్ బాక్సాఫీస్ వద్ద ఎలాంటి విజయాన్ని అందుకుంటుందో చూడాలి.
The submit పెయిడ్ ప్రీమియర్స్కు సిద్ధమైన ‘రాకాస’.. ఎప్పుడంటే..? first gave the impression on Newest Telugu Film Information, Critiques, OTT, OTT Critiques, Scores.