కిరణ్ అబ్బవరం, శ్రీ గౌరి ప్రియా కాంబినేషన్లో రవి నంబూరి దర్శకత్వంలో తెరకెక్కిన చిత్రం ‘చెన్నై లవ్ స్టోరీ’. సాయి రాజేష్, SKN సంయుక్తంగా నిర్మించిన ఈ సినిమా ఈ శుక్రవారం థియేటర్లలోకి రానుంది. ఈ సందర్భంగా నిర్వహించిన ప్రీ రిలీజ్ వేడుకకు మెగాస్టార్ చిరంజీవి ముఖ్య అతిథిగా హాజరై చిత్ర యూనిట్కు తన ఆశీస్సులు అందించారు. వేదికపై మాట్లాడిన చిరంజీవి, “ఈ టైటిల్ వినగానే నాకు చెన్నైలోని మధుర జ్ఞాపకాలు గుర్తుకొచ్చాయి. నన్ను అభిమానిస్తూ, ఇండస్ట్రీలో ఉన్నత స్థాయికి ఎదిగిన నా ‘చెన్నై లవ్ స్టోరీ’ టీమ్ ని ఆశీర్వదించడానికే నేను ఇక్కడికి వచ్చాను” అని తెలిపారు.
అభిమానుల ప్రయాణాన్ని కొనియాడుతూ, “నన్ను స్ఫూర్తిగా తీసుకుని నా ఫ్యాన్స్ విజయాలు సాధిస్తుంటే మనస్ఫూర్తిగా గర్వంగా అనిపిస్తుంది. ఒక సాధారణ అభిమాని నుంచి నిర్మాతగా ఎదిగిన SKN ప్రయాణం చాలా గొప్పది. అలాగే సాయి రాజేష్ రెండు జాతీయ అవార్డులు అందుకొని తనకంటూ ప్రత్యేక గుర్తింపు తెచ్చుకోవడం అభినందనీయం” అన్నారు. ఇక హీరో కిరణ్ అబ్బవరం తక్కువ సమయంలోనే ప్రేక్షకుల ప్రేమను సొంతం చేసుకున్నాడని, ఈ చిత్రంతో అతడు మరిన్ని ఉన్నత శిఖరాలను చేరుకోవాలని ఆకాంక్షించారు. హీరోయిన్ శ్రీ గౌరి ప్రియను, సంగీత దర్శకుడు మణిశర్మ అందించే బ్యాక్గ్రౌండ్ స్కోర్ను ప్రత్యేకంగా అభినందించిన చిరు, కొత్త ప్రతిభను ప్రోత్సహిస్తున్న మైత్రీ మూవీ మేకర్స్కు తన ధన్యవాదాలు తెలియజేశారు.
The submit ఫ్యాన్స్ కోసం చిరు. భలే చెప్పుకొచ్చాడు..! first seemed on Newest Telugu Film Information, Critiques, OTT, OTT Critiques, Scores.