Nara Rohith: టాలీవుడ్ హీరో నారా రోహిత్ మరో కొత్త ప్రాజెక్ట్ను అధికారికంగా ప్రకటించారు. ‘కపాలి’ (Kapaali) అనే ఆసక్తికరమైన టైటిల్తో తెరకెక్కనున్న ఈ చిత్రాన్ని సోషల్ మీడియా వేదికగా ప్రకటిస్తూ, “A adventure into the UNKNOWN starts right here..” అంటూ క్యాప్షన్ను పంచుకున్నారు. ఈ అనౌన్స్మెంట్తో సినిమాపై ప్రేక్షకుల్లో ఆసక్తి నెలకొంది. ఈ చిత్రానికి గన్ని రామ్ దర్శకత్వం వహిస్తున్నారు. నార్మల్ కథలతో కాకుండా విభిన్న స్టోరీలతో సినిమాలు చేస్తున్న నారా రోహిత్ మరోసారి కొత్త కాన్సెప్ట్తో ప్రేక్షకుల ముందుకు రానున్నట్లు తెలుస్తోంది. పోస్టర్లో కనిపించిన థీమ్ను బట్టి ఈ చిత్రం మిస్టరీ, థ్రిల్లర్ జానర్లో తెరకెక్కే అవకాశాలు ఉన్నాయని సమాచారం.
ఈ సినిమాను విజయ్ కృష్ణ లింగమనేని, కల్యాణ్ మంతిన, భాను ప్రతాప్ సంయుక్తంగా నిర్మిస్తున్నారు. ఎస్ఏఎమ్డబ్ల్యూతో (SAMW) కలిసి ఈ ప్రాజెక్ట్ రూపొందుతోంది. ప్రస్తుతం ప్రీ-ప్రొడక్షన్ పనులు జరుగుతున్న ఈ చిత్రానికి సంబంధించిన నటీనటులు, సాంకేతిక బృందం, షూటింగ్ షెడ్యూల్, విడుదల తేదీ వంటి పూర్తి వివరాలను త్వరలో ప్రకటించనున్నట్లు సమాచారం. విభిన్న కథలను ఎంచుకోవడంలో పేరుగాంచిన నారా రోహిత్, ‘కపాలి’తో మరోసారి ప్రేక్షకులను సరికొత్త అనుభూతికి తీసుకెళ్లేందుకు సిద్ధమవుతున్నారని చెబుతున్నారు. ఈ అనౌన్స్మెంట్తో సినిమాపై అభిమానుల్లో అంచనాలు మరింత పెరిగాయి.
A adventure into the UNKOWN starts right here…My subsequent #Kapaali. Written & Directed by way of @GanniRaam @VijayKrishnaLin @Kalyan_manthina @bhanu_pratapa @SAMWoffl pic.twitter.com/0KiSyP6WB1
— Rohith Nara (@IamRohithNara) July 24, 2026