ప్రముఖ దర్శకుడు గుణశేఖర్ దర్శకత్వంలో తెరకెక్కిన ‘యుఫోరియా‘ (Euphoria) ఇప్పుడు ఓటీటీ వేదికగా ప్రేక్షకులను పలకరిస్తోంది. చైల్డ్ ఆర్టిస్ట్గా ‘దైవతిరుమగల్’ (నాన్న) వంటి చిత్రాలతో మెప్పించిన సారా అర్జున్ ఈ సినిమాలో లీడ్ రోల్ లో నటించింది. థియేటర్లలో విడుదలైన సమయంలో ఈ చిత్రం తన వైవిధ్యమైన కంటెంట్తో విమర్శకుల ప్రశంసలు అందుకున్నప్పటికీ, కమర్షియల్గా మాత్రం ఆశించిన స్థాయిలో రాణించలేకపోయింది.
ప్రస్తుతం ఈ చిత్రం ప్రముఖ ఓటీటీ ప్లాట్ఫారమ్ ఈటీవీ విన్ లో స్ట్రీమింగ్ అవుతోంది. బోల్డ్ మరియు సామాజిక అంశాలతో కూడిన కథాంశం కావడంతో దీనికి ‘A’ సర్టిఫికేట్ లభించింది. థియేటర్లలో మిస్ అయిన ప్రేక్షకులు ఇప్పుడు డిజిటల్ వేదికపై ఈ సినిమాను చూసే అవకాశం కలగడంతో, ఓటీటీలో ఈ చిత్రానికి మంచి ఆదరణ లభిస్తుందని చిత్ర బృందం భావిస్తోంది.
ఈ సినిమాలో భూమిక చావ్లా, గౌతమ్ వాసుదేవ్ మీనన్, నాజర్ వంటి దిగ్గజ నటులతో పాటు రోహిత్, విఘ్నేష్ గవిరెడ్డి, లిఖిత యలమంచిలి తదితరులు కీలక పాత్రల్లో నటించారు. నీలిమ గుణ మరియు యుక్త గుణ నిర్మించిన ఈ చిత్రానికి కాల భైరవ సంగీతం అందించాడు. వైవిధ్యమైన చిత్రాలను ఇష్టపడే వారికి ‘యుఫోరియా’ (Euphoria) ఒక మంచి ఆప్షన్గా నిలుస్తోంది.
సమీక్ష కోసం ఇక్కడ క్లిక్ చేయండి
The put up ఓటీటీ లోకి వచ్చేసిన ‘యుఫోరియా’.. స్ట్రీమింగ్ ఎందులో అంటే..? first gave the impression on Newest Telugu Film Information, Evaluations, OTT, OTT Evaluations, Scores.