మెగా పవర్ స్టార్ రామ్ చరణ్ తన అభిరుచికి తగ్గట్టుగా హైదరాబాద్ శివార్లలో ఒక అద్భుతమైన ఫామ్హౌస్ను నిర్మించుకున్నారు. నగరానికి దాదాపు 30 కిలోమీటర్ల దూరంలో ఉన్న చేవెళ్ల – మోకిల పరిసర ప్రాంతాల్లోని తన 5 ఎకరాల సొంత స్థలంలో చరణ్ ఈ విలాసవంతమైన ఫామ్హౌస్ను నిర్మించినట్లు సమాచారం. ప్రకృతి ఒడిలో, ప్రశాంతమైన వాతావరణంలో నిర్మితమైన ఈ లగ్జరీ హౌస్ పనులు దాదాపు పూర్తయ్యాయి. అతి త్వరలోనే రామ్ చరణ్ – ఉపాసన దంపతులు తమ కుటుంబ సభ్యులతో కలిసి ఇక్కడ ఘనంగా గృహప్రవేశం చేయడానికి ప్లాన్ చేస్తున్నారు.
ఈ అద్భుతమైన ఫామ్హౌస్కు ప్రముఖ ఇంటీరియర్ డిజైనర్లు అమీర్ శర్మ, హమీదా శర్మ రూపకల్పన చేశారు. ఆధునిక హంగులతో పాటు ప్రకృతికి దగ్గరగా ఉండేలా, పచ్చదనం పరుచుకున్నట్లు ఉండే వినూత్నమైన ఆర్కిటెక్చర్తో దీనిని తీర్చిదిద్దారు. విలాసవంతమైన గదులు, స్విమ్మింగ్ పూల్, లాన్ మరియు ఇండోర్-అవుట్డోర్ అనుసంధానంతో ఈ ఫామ్హౌస్ ఒక ప్రైవేట్ రిసార్ట్ను తలపించేలా ఉంది. ఈ ఫామ్హౌస్ కేవలం వీకెండ్స్ గడపడానికే కాదు ప్రకృతి సేద్యం చేయడానికి కూడా చరణ్ ఉపయోగించబోతున్నారు. సినిమా షూటింగులతో నిరంతరం బిజీగా ఉండే రామ్ చరణ్ తన భార్య ఉపాసన, కుమార్తె క్లిన్ కారాతో కలిసి నేచర్ కి దగ్గరగా ఉండేందుకు ఈహౌస్ తీసుకున్నారు. ఈ 5 ఎకరాల స్థలంలో కొంత భాగాన్ని ఆర్గానిక్ వ్యవసాయానికి కేటాయించి, సొంతంగా కూరగాయలు, పండ్ల తోటలను పెంచాలని చరణ్ ప్లాన్ చేస్తున్నారు. చరణ్ కుటుంబ సభ్యులకు, అత్యంత సన్నిహితులకు మరియు ఇండస్ట్రీలోని క్లోజ్ ఫ్రెండ్స్కు మాత్రమే ఈ ఫామ్హౌస్ ఒక ప్రైవేట్ గెట్-అవేగా మారనుంది. ప్రస్తుతం చరణ్ నటిస్తున్న భారీ చిత్రాల షూటింగ్స్ పూర్తి కాగానే ఈ సరికొత్త విల్లాలో గృహప్రవేశ వేడుక జరగనుందని మెగా వర్గాల సమాచారం.